Albistea entzun

Maria Txibite PSNko idazkari nagusi izendatu dute berriro ere

Botoen %97,22 eskuratu ditu alderdiaren XII. batzarrean. Txibiteren ustez, PSN beharrezkoa da «Nafarroak aurrera egiten jarrai dezan»
Maria Txibite, PSNren buru gisa berretsi dutenean, Iruñean.
Maria Txibite, PSNren buru gisa berretsi dutenean, Iruñean. IÑIGO URIZ / FOKU Tamaina handiagoan ikusi

Gotzon Hermosilla -

2021eko urriak 24

Ez da ezustekorik egon, eta Maria Txibite berriro hautatu dute PSNko idazkari nagusi, botoen %97,22 lortuta. Ez zegoen beste hautagairik ardura horretarako. Emandako 144 botoetatik, Txibite buru duen zuzendaritza berriak 140 boto eskuratu ditu, eta gainerako lauak boto zuriak izan dira.

Nafarroak aurrera egiten du lelopean, PSNk XII. batzarra egin du Iruñeko Baluarte batzar jauregian, eta Txibiteren inguruan batasun irudia emateko balio izan du. Batzarraren amaieran, idazkari nagusi hautatu berriak hitzaldi bat egin du, eta nabarmendu du alderdiak duen garrantzia «aurrerapenak» lortzeko: «PSN beharrezkoa da aurrera egiten jarraitzeko, guretzat pertsonak garrantzitsuenak direlako eta Nafarroako herritarren zerbitzura gaudelako».

Txibitek eskuina kritikatu du bere hitzaldian, eta esan du haientzat uzten dituela «irainak eta zarata egitea»: «Guk, berriz, elkarrizketaren eta akordioaren alde egiten dugu».

2023an, berriro agintean

Txibitek alderdiaren programa politikoaren puntu nagusiak azaldu ditu, eta ziur agertu da bi urte barru berriro lortuko dutela agintean egotea: «Adostasunen eta gehiengo sozialaren alderdia gara».

Esan duenez, PSNren proiektu politikoa «ezkerrekoa» da, «Nafarroa forala» defendatzen du, eta «aniztasuna» sustatzen: «Etorkizun berdeago eta justuago baten alde lan egiten dugu. Batzen duen alderdia gara», erantsi du. Gazteei mezu berezia igorri die, eta proiektu horrekin bat egiteko eskatu die.

PSNko Antolakuntza idazkari Ramon Alzorrizek ere hitz egin du batzarrean, eta esan du alderdi sozialistak «Nafarroa solidario, zintzo, duin, ekologiko eta askotarikoa» ordezkatzen duela. Nabarmendu du «batasuna, ilusioa eta itxaropena» izan direla ezaugarri nagusiak batzarrean: «Urte askoren ostean, zalantzarik gabeko politika egiten ari gara, ematen ditugun pausoez seguru gaudelako».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zazpi alkateak, gaur goizeko agerraldian. ©EH BILDU

EH Bilduko alkateek txosten bat eskatuko dute Ingurumen Administrazioko Legeak udalen eskumenetan izango duen eraginaz

Jone Arruabarrena

EAJ eta PSEri leporatu diete «demokraziaren kontrako erasoa» dela legeari egin nahi dioten aldaketa, eta udalen eskumenak urratzea dakarrela. Hamabost eguneko epean txostena aurkezteko galdegin diote EUDELi.

Bernat Etxepare lizeoko ikasleen protesta, Oier Oaren alde ©Guillaume Fauveau

Oier Oari ez diote lurralde debekua kenduko, eta familiatik banatua segitu beharko du

Ekhi Erremundegi Beloki

Gaur eman du erabakia Parisko Zigor Auzitegiak. Otsailean epaituko dute, Baionan, lurralde debekua urratzea leporatuta.

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.