Albistea entzun

Brasilgo Munduko Kopa. 'O TEMPLO DO FUTEBOL'

Argentina ez da Brasil

Bertol Arrieta -

2014ko uztailak 13

Banoa. Bukatu zait abentura. Izugarria izan da cidade maravilhosa-ko egonaldia. Liluragarria da Riok eskaintzen duen kontrasteen argazkia: kolore anitzeko jendea kalean, horrenbeste eratako paisaiak hiri bakar batean. Astakeria dirudi, baina, Riotik atera ez naizen arren, herrialde oso bat ezagutu izanaren sentipenarekin egingo dut buelta, bospasei brasildarrekin guzti-guztiak konprenitzearen irudipenarekin. Zirraragarria izan da, etsigarria, barregarria, negargarria eta, batez ere, ahaztezina.

Oro prest dago finala jokatzeko. Argentinarrak ero moduan dabiltza. Badirudi brasildarrak ohe azpian ezkutatu direla. Nori axola zaio kontsolazioko finala? Ez da haientzat irain handiagorik Maracanan Argentinak irabaztea baino. Nahiago lukete alemaniarrak gailenduko balira, egin zieten triskantza egin eta gero ere. Zuri-urdina da Rio gau eta egun. Ez da beste kanturik aditzen: «Brasil, decime qué se SIETE...». Putaseme samarrak dira argentinarrak, bai, baina baita irudimentsuenak ere. Dena beharko dute alemaniarrei kopa ebasteko; dena emango dute. Argentina ez da Brasil. Maradona es más grande que Pelé.

Banoa. Bukatu da festa. Behin-behineko pasaportearekin bueltatuko naiz ezinbestean, baina behin betiko noa Euskal Herrira. Etorri bezain bakarrik, baina ez etorritakoan bezain hutsik. Kilo batzuk irabazita, baina motxila dezente hustuta. O templo do futebol-en hartuko dut azkenengoa, Aldo eta munduko atezain guztien osasunera, Belinha eta munduko emakume zoragarri guztien omenez. A!, eta zalantzarik baduzue, lasai egon, hemendik lau urtera ez naiz Errusiara joango. Hotzegia da hura niretzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Williams, David Alabarekin lehian, Real Madrilen aurka jokatutako Espainiako Superkopako finalean. ©JULIO MUÑOZ / EFE

Zailenak, baina etxekoen babesaz

Julen Etxeberria

Athleticek Real Madril izango du aurkari Espainiako Kopako final-laurdenetan, eta Realak, Betis. Biek etxean jokatuko dute kanporaketako partida bakarra, otsailaren 3an
Mendizale bat erreskateko helikopteroari begira, Belaguako aterpetxearen inguruan. ©JESUS DIGES / EFE

Mendia ez dago edonorentzat

Unai Ugartemendia

Urtea hasi zenetik bost mendizale hil dira Pirinioetan. Azken astean gehiago korapilatu da kontua, eguraldiak asko aldatu baitu elurraren egoera. Zuhurtzia eskatu dute.
Gernikako Itziar Ariztimuño eta IDK-ko Yurena Diaz lehian, lehen itzuliko partidan. ©MONIKA DEL VALLE / FOKU

Atzerapenez ahaztu nahi dute

Ainara Arratibel Gascon

Derbia jokatuko dute bihar eguerdian, Donostiako Gaska kiroldegian, IDK Euskotrenek eta Lointek Gernika Bizkaiak. Bi taldeak «gogotsu» dira, behingoz segidan lehiatu ahal izateko.
Alexander Sorloth eta Yeray Alvarez lehian, Anoetan jokatutako derbian. ©Gorka Rubio / Foku

Athletic-Real Madril eta Reala-Betis, Espainiako Kopan

Julen Etxeberria

Zuri-gorriek eta txuri-urdinek etxean jokatuko dute final-laurdenetako partida bakarra, otsailaren 3an

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.