Jakes Esnalen aferan fiskalak ukan jarrera salatu du Etxerat-ek

Etxerat elkarteko kideak, atzo, Baionan, Jakes Esnalen aferari buruzko prentsaurrekoan.
Etxerat elkarteko kideak, atzo, Baionan, Jakes Esnalen aferari buruzko prentsaurrekoan. FRANÇOIS BERLAND Tamaina handiagoan ikusi

Oihana Teyseyre Koskarat -

2020ko otsailak 14

«Ez bada mendekua, ez bada xantaia, zer izaten ahal da ukapen sistematiko horien arrazoia? Sufrimendua muturrera eramateko asmoa? Heriotzaraino?». Galdera horiek egin ditu Etxerat elkarteak, Baionan, Jakes Esnal euskal presoaren aferan fiskalaren erabakia salatzeko emandako prentsaurrekoan. Esnalek baimena eskatu zuen bizpahiru orduko kirol ibilaldi baterako kartzelatik ateratzeko, beste preso batzuekin batera presondegiko zaindarien zaintzapean irteteko. Zigorrak Ezartzeko epailea neurriaren alde azaldu zen, baina terrorismoaren kontrako fiskalak helegitea ezarri zuen berehala, eta Esnal ezin izan zen espetxetik atera.

Gizarteratzeaz arduratzen den zerbitzuak ere irteera baimenaren alde zeuden. «Ez dago inolako dudarik Esnalen jarrerari eta kirol baimenaren koadroaren errespetuari buruz», adierazi du Maritxu Paulus Basurko abokatuak, Baionan. Espetxeko zuzendariak ere «oso aldeko iritzia» eman zuen, haren jarrera «eredugarritzat» jota. «Esnalen espetxeratzea inolako arazorik gabe gertatu da orain arte; ateraldi baterako baimenak zentzu osoa du», Paulus Basurkoren arabera.

Abokatuak «kezkagarritzat» jo du egoera. Esnalek egina du baldintzapean aske geratzeko eskaera, eta martxoaren 13an aztertzekoa dute haren kasua. Paulus Basurkok uste du jarrera horrek agerian uzten duela fiskalak ez duela «inondik ere» onartuko Esnal eta harekin batera atxilotu zituztenak baldintzapean aske uztea —kasu berean dira Frederique Haranburu eta Ion Kepa Parot euskal presoak—.

Frantziako Estatuko espetxeetan diren bertze euskal preso batzuen kasuak ere oroitu dituzte: Lorentxa Beirierena eta Ibon Fernandez Iradirena, erraterako, prokuradoreak trabatuak baititu baldintzapean aske ateratzeko eskaerak. Bide beretik, Etxerat-ek gogor salatu du David Pla euskal preso ohiaren atzoko atxilotzea.

Emmanuel Macron Frantziako presidenteari zuzendu dizkiote agerraldiko azkeneko hitzak: «Hitzetatik ekintzetara pasatzea eskatzen diogu, konponbidearen eta elkarbizitzaren bidean. Arduraz jokatzeko eskatzen diogu Frantziako Estatuari».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BALLESTEROS / EFE

Sanchezek eta Urkulluk eskumenak transferitzeko agenda berretsi dute

Lander Muñagorri Garmendia

Konpromisoa hartu dute martxorako bost eskumen eskualdatzeko; tartean, kartzelena. Pandemiari aurre egiteko, Urkulluk etxeratze agindua 20:00etara aurreratzeko eskaera berretsi du

Philippe Le Moing Surzur Baionako suprefeta, atzean Emmanuel Macron Frantziako presidentearen argazkiarekin, atzo, Baionan. ©GUILLAUME FAUVEAU

«Euskal Herria ezagutzeko gogoz» iritsi da Le Moing Surzur suprefeta

Ekhi Erremundegi Beloki

Lurraldearen «aberastasuna» aipatu du, baina ez da sartu landu beharko dituen gaien mamian

Antton Troitiño, 2018an, Espainiako Auzitegi Nazionalean. ©EFE

Etxerat-ek salatu du Antton Troitiño espetxean daukatela oraindik

Maddi Ane Txoperena Iribarren

Hamasei egun igaro dira epaileak euskal presoa eritasunagatik aske uzteko autoa sinatu zuenetik. Arreta «duina» eskatu du Etxerat-ek

Philippe Le Moing Surzur, gaurko aurkezpenean. / ©Ekhi Erremundegi

Lekua hartu du Philippe LeMoing Surzur Baionako suprefetak

Ekhi Erremundegi Beloki

Bere burua aurkezteko agerraldia egin du Baionako suprefeturan. Erran du lurraldea «bere dimentsio guzietan» ezagutzeko gogoz dela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.