Emakumeen aurkako indarkeriari buruzko inkesta baten datuak jakinarazi zituzten atzo Espainiako Berdintasun Ministerioak eta Genero Indarkeriaren aurkako gobernuko ordezkaritzak. Inkesta horren arabera, 16 urtetik gorako emakumeen erdiek indarkeria matxista jasan dute noizbait. Inkestatutako emakumeen %57,3k bi emakumetik batek aitortu dute emakume izate hutsagatik indarkeria motaren bat pairatu dutela inoiz beren bizitzan.
Emakumeen aurkako biolentziari eta sexu erasoei buruz inkestak jaso dituen datuak gordinak dira, oso: inkestatutako andrazkoen %13,7k sexu erasoren bat sufritu dute; %6,5ek beren bikotekide edo bikotekide ohia ez zen norbaiten sexu indarkeria pairatu dute; eta%2,2 noizbait bortxatuak izan dira.Sexu erasotzaile ia guztiak (%99,6) gizonezkoak izan dira, eta gehienak, emakume horien gertukoak.
Emakume gazteenek sufritu dute gehiago genero indarkeria, inkestaren arabera: 16 eta 24 urte bitarteko emakumeen %71,2k onartu dute indarkeria matxista pairatu dutela, eta 25 eta 34 urte bitartekoen%68,3k.
Bi emakumetik batek indarkeria matxista pairatu du
Iruzkinak
Ez dago iruzkinik
Ordenatu
