Albistea entzun

Koronabirusa. GIZARTEA PENTSALDIAN

Wuhaneko gerezitzeak

Itxaro Borda - Idazlea

2021eko apirilak 2

Telebistan ikusi ditugu Wuhaneko karrikak eta bereziki hiriko parkeetan errotzen ziren gereziondoak loretan. Jendeak lasaiki zebiltzan, maskararik gabe, distantziarik gabe eta beldurrik gabe saldoan kalakari. Irriak ezpainetan zituzten, telefonoak bipil eta kezka existentzialak dagoeneko mila legoatan. Badirudi, COVID-19a sortu zen hiriak mamuaren atzaparretatik askatzea lortu duela, munduan barna askok amesten duten bizitza normalera itzultzen ari direlako. Itxura hunkigarriak dira.

Hunkigarriak, azken berrien arabera Europako lurraldean, epidemiak oraino ere luzaz iraungo duela ikasten delako. Erraten digute uda bezperan librekiago biziko garela, baina menturaz, larrazkenak eta datorren neguak ere kutsatze tasen, intzidentzia portzentaien, sendagai baliabideen, herio zerrenden zenbakiekin pataska aurkituko gaituzte. Txertatzeak astiroegi doaz, birusaren aldaera ezberdinak menperatzeko: epidemiologoak kezkatuak dira eta Macronen ahoan konfinamendu hitza tabu den honetan.

Txinan eta Japonian gerezitzeak lili direnean, natura berriz sortzen dela badakite herritarrek. Bi aste baino gutxiago dirauen ikusgarri efimeroa da. Iragan urtean, mugikorren pantailetan begietsi zuten momentu lorios hori, hiritarrak oro etxeetan entzerratuak zeudelako, pandemia uhinaren kukurusta gorian itoak. Baina, gaur, badu hiru ehun egun Wuhanen ez dela koronabirus kasu bakar bat ere azaldu eta hiria jada turistaz emokatua dago. Himalaia aldetik jaitsi eta Txinan barna hedatu zen gerezitzea, mila urte beranduago Japoniara heltzeko. Bi herrialdeak elkarri mokoka ari dira, lehena zein izan den erabakitzeko. Eztabaidatzeko orduan bederen, ez da koronabirusik aipatzen.

Nik ere maite dut sortetxe aitzineko Mendi Kaskoan, martxo erditsuan, lorez janzten diren gerezi-ondo salbaiak mirestea. Sahatsa sutzen da eta berehala gerezitzea. Igandeetan bisitaz nindoakionean, behatz kurkulatua zerura altxatuz, aita zenak totelkatzen zidan: «soizan, siisatzeak lili tun..».

Berri ona zen beretzat, are hobeagoa naski, Wuhaneko biztanleentzat, pasatu duten hamabi hilabeteko kalbario latzaren ondotik. Harremanen hormatze garaiak izan dira, esku ahur idor eta egunerokotasun murriztuena. Izu zaharra lilien zuritasunarekin ezkontzen denean, xendra zurruna irekitzen da.

Japoniar haiku baten idazteko tirria pizten zait, etxea bezain itxia, hamazazpi silabatan Wuhanetik Itsasurako gerezitzeen bidea kantatzeko. Hitz gutxi aski delako covid-free etorkizun hurbil baten irudikatzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bilbon eguerdian egindako manifestazioa jendetsua izan da. ©MARISOL RAMIREZ / FOKU

Sindikatuen arabera, hezkuntzako greban %60ko parte hartzea izan da

Irati Urdalleta Lete Gotzon Hermosilla

Jaurlaritzak, berriz, esan du irakasleen %35,2k egin dutela greba. Langileek hezkuntza legearen aurreproiektuaren kontra egin dute, eta «hezkuntza publiko, propio eta euskalduna» aldarrikatu
Aritzetako zerbitzugune batean bota dituzte hondakinak. ©MAIALEN ANDRES / FOKU

AP-8ko zaborrak urteetan bota dituzte Usurbilgo mendialde batean, baimenik gabe

Iñaki Petxarroman Jone Arruabarrena

Kontratuaren baldintzak ez betetzea, lan baldintzei eta naturari kalte egitea, eta azpikontratetan ezkutatzea egotzi die ELAk Bidelan osatzen duten Transitia eta Campezori
Zenbait aplikazio eta streaming plataforma, artxiboko irudi batean. ©BERRIA

Euskara, pantailetan lauso

Irati Urdalleta Lete

Euskara bazterrean dago pantailetan ere: esaterako, Pantailak Euskaraz taldeak emandako datuen arabera, streaming plataformetako 26.000 edukitatik %0,1 ere ez daude hizkuntza horretan. Eskatu du legez arautzeko euskarak pantailetan izan behar duen presentzia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.