Lopez Uraldek Equo utzi du, alderdia Mas Paisera batu eta gero

Zerrendak osatzeko epea ireki du Geroa Baik. Itun aukerak zapuztea egotzi dio C's-ek PPri

Jon O. Urain -

2019ko irailak 28

Azaroaren 10ean egingo dituzte Espainiako Gorteetarako hauteskundeak, eta euskal alderdi eta hautagaiak beren burua kokatzen ari dira bozetarako. Horietako bat izan da Juantxo Lopez Uralde, Equoren sortzaileetakoa eta apirilaren 28ko hauteskundeetan Unidas Podemos koalizioan Arabatik aukeratutako diputatua. Atzo jakinarazi zuen Equo uztea erabaki duela, alderdi horretako kideek onetsi eta gero Mas Pais hautagaitzarekin batera aurkeztea. Lopez Uraldek uste du erabaki hori «akatsa» dela, baina azaldu du «errespetatu» egingo duela erabakia. Bizkaiko Equok, berriz, EAEko eta Espainiako zuzendaritza organoei proposatuko die Elkarrekin Podemosen barruan lanean jarraitzea.

Geroa Bai ere aurkeztuko da azaroaren 10eko bozetara, eta zerrendaburua aldatu beharko du. Apirilaren 28an, Koldo Martinez izan zen koalizioko zerrendaburua Espainiako Kongresurako, baina Martinez bera senatari izendatu zuen herenegun Nafarroako Parlamentuak. Hortaz, zerrendak osatzeko prozesua abiatu du: «Garai politiko erabakigarri batean gaude, eta ezinbestekoa da Nafarroaren ahots propio bat izatea Madrilen». Ohar batean, Geroa Baik atsekabea azaldu du «estatuko blokeo egoeragatik», eta, «akordio faltak eragindako frustrazioaren aurrean, Nafarroan 2015etik egon den elkarrizketa eta negoziazio gaitasunak» beharrezkotzat jo ditu.

Bestalde, Luis Gordillo Ciudadanosen Arabako, Bizkaiko eta Gipuzkoako bozeramaileak Alfonso Alonso PPko Euskal Autonomia Erkidegoko presidenteari egotzi dio bi alderdien arteko edozein akordio aukera «leherraraztea». Herenegun, Alonsok esan zuen Ciudadanosekin hitz egina zuela azaroaren 10eko bozetan elkarrekin aurkeztea Araban, Bizkaian eta Gipuzkoan, eta salatu Albert Rivera presidenteak baztertu zuela aukera hori. Bertsio hori gezurtatu zuen atzo Gordillok: «Norbaitek Euskadiko Ciudadanosekin hitz egin nahi badu, nirekin hitz egin behar du. Gezurra dirudi Alonsok hori ez jakitea, bizi osoa baitarama politikan». EAEn bi alderdiak elkarrekin aurkezteko negoziazioen ondorioz, Ciudadanosek Antolakuntza idazkari kargutik kendu du Javier Gomez, eta, atzo, Gomezek jakinarazi zuen alderdia utzi duela.

Hamarretik seik, boto bera

Bestalde, boto asmoari buruzko inkesta bat argitaratu du EiTBk, eta, emaitzen arabera, Arabako, Bizkaiko eta Gipuzkoako hamar herritarretik seik apirilaren 28ko hauteskundeetan eman zuten boto bera emateko asmoa dute azaroaren 10ekoetan ere. %12,8k, aldiz, botoa aldatzeko asmoa dute. Inkestaren arabera, apirilean Unidas Podemosen aldeko botoa eman zutenen %13k adierazi dute PSOEren aldeko hautua egingo dutela azaroaren 10ean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefekturak erabaki du Donibane Lohitzuneko (Lapurdi) Le Miam ostatuaren hestea, bost egunez zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan izan zirenei proba egiteko eskatu die Jaurlaritzak

Berria

Abuztuaren 2tik 10era bertan egon zirenek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna