Gizon bat atxilo, bikotekidea labanaz zauritzea egotzita
2018ko uztailak 11
Igandean 46 urteko gizonezko bat atxilotu zuen Ertzaintzak, bikotekideari labankadaz erasotzea leporatuta. Eusko Jaurlaritzako Segurtasun Sailak azaldu duenez, kamioilari dihardu gizonak, eta Irun (Gipuzkoa) inguruko zerbitzugune batean eraso zion andreari; eskuan ebaki bat egin zion.
23:30 aldera gertatu zen erasoa. Ertzaintza bertaratzean, emakumea eskutik odola zeriola aurkitu zuten, eta erasotzailea bere kamioiaren kabinan; labana ere bertan topatu zuten. Gizona atxilotuta eraman zuten, eta biktima, ospitalera. Andreak salaketa jarri du: tratu txarrak maiz egiten zizkiola esan du.
Irungo Udalak eta Gipuzkoako Diputazioak erasoa gaitzetsi dute. Elkarretaratzea egingo dute gaur, Zabalgune plazan, 20:00etan.
23:30 aldera gertatu zen erasoa. Ertzaintza bertaratzean, emakumea eskutik odola zeriola aurkitu zuten, eta erasotzailea bere kamioiaren kabinan; labana ere bertan topatu zuten. Gizona atxilotuta eraman zuten, eta biktima, ospitalera. Andreak salaketa jarri du: tratu txarrak maiz egiten zizkiola esan du.
Irungo Udalak eta Gipuzkoako Diputazioak erasoa gaitzetsi dute. Elkarretaratzea egingo dute gaur, Zabalgune plazan, 20:00etan.
