Noiz sortua: 2018-07-06 00:30:00

Elkarrekin Podemosek eta PPk «akordio subiranista» kritikatu dute

Gotzon Hermosilla -

2018ko uztailak 6

Elkarrekin Podemos eta PP bat etorri dira Eusko Legebiltzarreko Autogobernu Batzordean lortutako akordioari egin dizkioten kritiketan, eta bi-biek «subiranistatzat» jo dute EAJk eta EH Bilduk erdietsitako akordio hori. Alabaina, biek ala biek nabarmendu dute oraindik «denbora» dagoela «egoera bideratzeko».

Elkarrekin Podemoseko bozeramaile Lander Martinezek esan du bere koalizioaren planteamenduak ez datozela bat EAJren eta EH Bilduren «tesi subiranistekin»: «EAJ asko makurtu da identitatearen aldera, eta EH Bilduk erraztasunak eman dizkio horretarako», azaldu du. Baina PSE-EEren jarrera ere kritikatu du: «Ez du askorik lagundu akordio zabal eta zeharkakoak lortzeko, eta hasieratik boto partikularraren aukerari eutsi dio».

Martinezek onartu du EAJk eta EH Bilduk «gehiengoa» osatzen dutela, baina uste du Arabako, Bizkaiko eta Gipuzkoako estatutu berriak «1979koak baino babes handiagoa» bildu beharko lukeela. Dena dela, eta akordioak erdiestea «zaila» izan bada ere, Elkarrekin Podemoseko eledunak pentsatzen du badagoela «eztabaidak hozteko denbora».

«Amildegiaren ertzean»

Arabako, Bizkaiko eta Gipuzkoako PPko presidente Alfonso Alonsok, berriz, esan du EAJren eta EH Bilduren «akordio subiranistak» gaur egungo legea «gainditu» egiten duela. «Egiten den urrats bakoitzak gero eta gertuago jartzen gaitu amildegiaren ertzetik», erantsi du. Hala ere, berak ere uste du oraindik «gogoeta egiteko denbora» badagoela.

Alonso «oso kezkaturik» dago, uste duelako EAJk «bira» egin duela «EH Bilduren jarreretara». «Abertzaleek eta abertzaleentzat egindako akordioa da», esan du. «Horrek bizikidetzari mehatxu egiten dio, eta iraganera eta herritarren arteko banaketara garamatza». PPk Eusko Legebiltzarrean duen eledunaren irudiko, akordioak «egonkortasunari» kalte egiten dio: «Bide horretatik ez goaz inora», azaldu du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Alemaniako Esslingen hirian klima larrialdia aldarrikatzeko eginiko protesta bat, apirilean. ©RONALD WITTEK / EFE

Eredu ekonomikoari, zapata ekologikoak

Maite Asensio Lozano

'COVID-19 osteko Euskal Herriko ekonomia ekologikoaren alde' manifestuaren bi sustatzaile elkartu ditu BERRIAk, Ingurumenaren Nazioarteko Egunaren harira. Zientziak mahai gainean jarritako ebidentziei erreparatuta, «norabidea aldatu» behar dela esan dute, eta urrats sendoak eskatu dizkiete gobernuei.

Ikasleak azterketetarako ikasten, EHUren Donostiako campusean, artxiboko irudi batean. ©JUAN CARLOS RUIZ / FOKU

Azterketetan, buruko minez

Irati Urdalleta Lete

Ikasturte amaierarekin, azterketak aurrez aurre dituzte unibertsitateko ikasleek. Ikasteko orduan eta azterketak egiterakoan izan dituzten zailtasunez eta aldaketez aritu dira.

<b>Osasun langile bat, antigorputzak neurtzeko testaren emaitzaren zain, Almerian (Espainia).</b> ©CARLOS BARBA / EFE

Koronabirusak Hego Euskal Herriko herritarren %4,3 kutsatu ditu

Jakes Goikoetxea

Portzentajea hamarren bat jaitsi da Espainiako Gobernuaren seroprebalentzia azterketan. Araban ia puntu bat egin du behera

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna