'Where I'm Meant to Be'

Londresen finkatutako jazz kolektiboaren —aurten Jazzaldian parte hartuko duen Nubya Garciarekin aritzen dira— bigarren lan hau iazko musika beltz onenaren zerrendetako lehen postuetan kokatu da. Merezita, gainera, grabazioan bildutako hamalau bonbek Manchesterreko zein Abujako klubak zartarazteko erritmoak biltzen baitituzte. Jazz, funk, afrobeat, reggae eta hip-hop tarteak sofistikazioz eta teknika handiaz uztartzen ditu boskoteak, betiere energia positiboari eta dantza egarriari lekua egiteko. Horregatik guztiagatik, desagertutako Sons of Kemet herrikideen ondorengo duin eta dirdiratsuak dira.