Albistea entzun

Asisko Urmeneta. Marrazkilaria

«Aspertuak egonen ginateke Xahoz herri normaldua bagina»

MARISOL RAMIREZ / FOKU Tamaina handiagoan ikusi

Aitor Biain -

2019ko urriak 3 - Gasteiz

Sariduna zela jakitea «ustekabeko poza» izan zela dio Asisko Urmenetak (Iruñea, 1965). Poz pertsonala dago, batetik, eta, Agosti Xaho lehen lerroan kokatzearen poza, bestetik. «Ezohiko ideia bat izan zen, eta ezohiko pertsonaia bat dago; beraz, ezohiko poza da».

Zergatik kontatu nahi zenuen Agosti Xahoren historia?

Hasteko, ezezagun handia delako herri honetan oraindik. Kontuan harturik aitzindaria izan zela alor anitzetan. Herri normaldua bagina, Xahoz aspertuak egonen ginateke segur aski; Bolivar bezala Hego Amerikan, edo Ho Chi Minh Vietnamen. Baina gerra hura ere galdu genuen.

Epaimahaiaren iritziz, «lan ausarta eta arriskatua» da. Ezezagunak izateak egiten du hori?

Beharbada, bai, eta, agian, neure buruari domina bat ematea da, baina askatasun osoa izan dut liburua egiterakoan. Xabier Monasterio Erroa argitaletxeko zuzendariak erraten duen bezala, marrazkilariak baino gehiago, gidoilariak izaten gara askotan. Beraz, saiatu naiz pertsonaia ausart batek eskatzen zuen ezohiko planteamendu grafiko bat egiten.

Aipatu duzu beldur zinela Zuberoa modu ikonografikoan erakusteari. Zergatik?

Beldurra baino gehiago, konstatazio bat nuen. Zuberoa oso bakanetan aipatzen baitugu, eta aipatzen dugunean beti izaten da bizitzarekin eta modernotasunarekin bat ez datozen kontzeptuekin. Eta nik erakutsi nahi nuen baietz: egun badela gazterik, eta badela ekimenik ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MARISOL RAMIREZ / FOKU

Aurtengo Durangoko Azokak argitu dezakeen argazkia

Itziar Ugarte Irizar

Digitalizazioaren aroak galdera ikur handiak ezarri ditu musikagintzaren sektorean. Nabarmen aldatu da musika banatzeko era, eta Durangoko Azokan ere gero eta begi-bistakoagoa da hori. Eredu bat agortzear sumatu arren, formatu fisikoaren aldeko jarrerari eusten diote gehienek.
Mona Hatoum artistaren <em>Still Life</em> instalazioa, Donostian. ©GORKA RUBIO / FOKU
Karmele Mitxelena eta Iñaki Cid Larrea, beren lan argitaratu berriak eskuetan, Donostian. ©GORKA RUBIO / FOKU

Karmele Mitxelenaren eta Iñaki Ciden lanak argitaratu dituzte

Itziar Ugarte Irizar

'Haragizko mamuak' du izenburu Mitxelenaren lehen narrazio liburuak, eta 'Behin batean Loiolan' antzerkiaren alorreko Ciden lanak. Donostia Hiriko Kutxa Literatura sariak irabazi dituzte biek, eta Elkarrek eman ditu lanok argitara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...