Duela bi hamarkada Frantzian sortu zen rock eszena berritzaile, deseroso eta independentearen ahots inportanteenetakoa da Michel Cloupena. Dadaistek eta situazionistek eraginda, Diabologum talde ezinbestekoa sortu zuen Arnaud Michniakekin, rock esperimental, zaratatsu eta, aldi berean, melodiazalea egiteko, eta, Michniakekiko harremana gaiztotu zenean, Experience proiektuan jarraitu zuen rocka bere ertzetara eramaten, noise-rocka hip-hop elementuekin uztartuz.
2011z geroztik, ordea, oinarrizkora jo du Cloupek, eta gitarra eta bateria formazioarekin ari da Michel Cloup Duon. Patrice Cartier perkusionistarekin hasieran, eta Julien Rufierekin azken denboretan. Bi bakarrik izanda ere, Cloupen azken proiektuak ez du galdu iraganeko indarra, Danser danser danser sur les ruines azken diskoak erakusten duenez.
Musika. MICHEL CLOUP DUO
Rockaren hondarretatik lanean
Non: Tolosako Bonberenean. Noiz: Gaur, 20:00etan.
Iruzkinak
Ez dago iruzkinik
Ordenatu