Albistea entzun

Alarde fundazioaren izaera juridikoa zein den ez du argitu udalak

Arantxa Iraola -

2022ko maiatzak 6

Hondarribian (Gipuzkoa) alardea antolatzen eta hauspotzen duen Alarde fundazioa hizpide, Hondarribiko EH Bilduko zinegotzi Xabier Isasik erregu bat erregistratu zuen joan den astean, apirilaren 28ko udalbatzarrean. Argibideak eskatu zituen fundazio horren izaera juridikoaren inguruan, azalpenak agindu zituen Txomin Sagarzazu alkateak, baina koalizioko ordezkariek esan dute oraindik ez dakitela ezer. Gogora ekarri behar da hautu baztertzailea egina duela fundazio horrek, eta Jaizkibel konpainia parekideak ez duela tokirik izaten desfilean.

Erreguaren jatorria martxoan erregistratutako eskaera bat dela gogoratu zuen Isasik: «Esan genion alkateari behar besteko izapideak egin zitzala Alarde Fundazioa Hondarribia izeneko erakundea benetako fundazioa den jakiteko, eta izatekotan non dagoen erroldatuta. Era berean, eskatzen genion argitzeko ea erakundeak bete beharreko baldintzak betetzen ote dituen Hondarribiko espazio publikoetan ekitaldiak antolatzeko». Esan zuen, ordea, ez dutela jaso itaun horien erantzunik, eta, horiek horrela, ulertu dutela ez dagoela «ziurtasunik» esateko erakunde horrek «fundazioen izaera juridiko-administratiboa» duela.

Baimena

Hori aintzat hartuta, EH Bilduk erregu bat plazaratu zuen, hiru eskarirekin. Bat: Alardea fundazioak «fundazio izaera juridiko-administratiborik izan ezean» ez diezaiotela onartu irailaren 8an alardea antolatzeko egindako baimen eskaria. Bi: eskatu diote udalari bermatzeko «berdintasun printzipioa» jaien antolaketan eta espazio publikoen erabileran. Hiru: Alarde fundazioak darabilen identifikazio zenbakia zeini dagokion eta zergak eta gizarte gastuak ordainduak dituen argitzeko eskatu zuen. Alkateak erantzun zuen «mami handiko» gaia dela, eta alardearen inguruko kontuez solastatzeko batzen den elkarrizketa forora eraman nahi zuela gaia. Egin da bilera, baina EH Bilduk dio ez duela erantzunik jaso.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bilboko elkarretaratzea, gaur iluntzean; dozenaka lagun bildu dira. ©Marisol Ramirez / Foku

«Nekropolitikari» egotzi diote sarraskia Euskal Herriko protestetan

Maite Asensio Lozano

Melillako biktimen senideei elkartasuna helarazi diete, dozena bat tokitan egindako mobilizazioetan.

Irungo alarde parekidea, atzo. ©JON URBE / FOKU
COVID-19aren aurkako Moderna txertoa ©Idoia Zabaleta /Foku

Omikronaren aldaera berrietara egokitutako txertoek immunitatea handitu dezaketela adierazi dute

Edurne Begiristain

Koronabirus kasuen gorakada dela-eta, toki itxietan maskara janzteko gomendioa eman du Carolina Darias Espainiako Osasun ministroak.

Donostiako Udaltzaingoaren auto bat. ©JON URBE / FOKU

Donostiara bidalitako udaltzain berri ia guztiak erdaldun elebakarrak dira, LABek salatu duenez

Julen Aperribai

Sindikatuak udalari eskatu dio bere lan poltsa osatu dezala, udaltzainek bete beharreko hizkuntza eskakizunak aintzat hartuta. Egoera bera urtero errepikatzen dela ohartarazi du, baina urtetik urtera gehiago direla euskaraz ez dakiten udaltzainak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...