Albistea entzun

MIRA

Tentsioa

ORMUZKO ITSASARTEA, IRAN. 2020-07-26. Satelite bidezko irudi batek Irango hegazkin ontzi zaharberritua erakusten du. Antza, lehenago ere erabili zuten, 2015eko Irango ontzi-gerra sumulazioetan, AEBetako itu bat balitz bezala. Irango txalupa bat ikusi daiteke ziztu bizian hurbiltzen, jatorrizko portutik (Bander Abbas) 50 kilometrora gutxi gorabehera, Ormuzko itsasarteko kokapen berri baterantz, uztailaren 26an. Uztailaren 27an argitaratutako satelite bidezko irudiek erakusten dute nola Iranek simulaziozko hegazkin ontzi bat lekualdatu duen Ormuzko itsasarte estrategikora, Teheran eta AEBak tentsio betean dauden unean.
ORMUZKO ITSASARTEA, IRAN. 2020-07-26. Satelite bidezko irudi batek Irango hegazkin ontzi zaharberritua erakusten du. Antza, lehenago ere erabili zuten, 2015eko Irango ontzi-gerra sumulazioetan, AEBetako itu bat balitz bezala. Irango txalupa bat ikusi daiteke ziztu bizian hurbiltzen, jatorrizko portutik (Bander Abbas) 50 kilometrora gutxi gorabehera, Ormuzko itsasarteko kokapen berri baterantz, uztailaren 26an. Uztailaren 27an argitaratutako satelite bidezko irudiek erakusten dute nola Iranek simulaziozko hegazkin ontzi bat lekualdatu duen Ormuzko itsasarte estrategikora, Teheran eta AEBak tentsio betean dauden unean. MAXAR TECHNOLOGIES HANDOUT / EFE Tamaina handiagoan ikusi

Aintzane Usandizaga -

2020ko uztailak 31

Aldez aurretik, fisikaren inguruko nire ezagutza mugatua dela esatea ere lotsagabe samarra litzatekeela argitu nahi nuke. Hau esanik, tentsioa zer den ulertzen saiatzera noa:

Tentsioa edo tenka bi gorputzen artean sortzen den indarra da. Horretarako, bien artean soka batek behar du egon, edo gisako lotura sendoak. A! Eta norabide baterako trakzioak, ez nadin ahaztu. Adi hemen! Trakzioa esan baitut, ez atrakzioa, erakarpenak ez omen du honekin guztiarekin zer ikusirik... Ez dut erabat argi ikusten puntu hau, baina tira, beste baterako utziko dugu eztabaida hori.

Gorputz bat geldirik egonagatik, nahikoa da besteak mugimendua izatea tenka egon dadin. Egoera honetan, gorputz bakoitzaren azelerazioa —nik ezin dut hau bulkada gisa ulertzea saihestu— ezberdina izango da, baina tentsioa bat eta bera da bientzat.

Kontua da, baina, batzuetan soka ez dagoela agerian. Azalera nare baten azpian ezkutatzen dela —azken hau ez da fisikaren ezaugarri bat, noski, barkatuko didazue atrebentzia—. Tentsioa, sarri, ikusi baino gehiago, sumatu egiten den zerbait dela iruditzen zait niri... gorputz batek zirkinik egin arte, behintzat. Hau da: mugimenduarekin baieztatzen duela begiak lehenago susmo hutsa zen tentsio horixe.

Nire uste guztien kontra, gainera, jakin berri dut tentsioa ez dela gorputz bat bestearengana hurbiltzean sortzen... urruntzean baino. Noraezean uzten du bat horrek. Norantz jo tentsioa lasaitu nahi denean, orduan? Agian batzuetan ez dago geldirik egon beste erremediorik...

Beste kontu labain samar bat: sarri gorputzek ez dute tenka desagertzea nahi. Tentsioekin jolastea tentagarria da. Noraino tira korda ikusezin horri, noraino utzi joaten... Larritasun horren menpeko bihurtzea ere gerta liteke, hala egotera kateatzea: beti tenk.

Barkatu, beste behin. Ez ote naiz tenka laxatu nahian gehiegi korapilatu...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gaztetxo talde bat, atzo goizean, Durangoko Azokako ateak irekitzeko zain. ©MARISOL RAMIREZ / FOKU

Galdera olde bat ateei bultzaka

Andoni Imaz

Ehunka gazte izan dira Durangoko Azokako Ikasle Goizean, eta haiek ekarri dituzte azokaren itzulerako lehen pilaketak. Kontzertuetan eta tailerretan ere parte hartu dute gazteek
Aurten, 248 erakusmahai jarri dituzte guztira Landako gunean, eta 930 nobedade daude bertan salgai. ©MARISOL RAMIREZ / FOKU

Eta azkenik argia?

Itziar Ugarte Irizar-Iñigo Astiz

Itxaropentsu daude liburu eta disko saltzaileak aurtengo Durangoko Azokak har dezakeen itxurarekin. Azken bi urteak gorabeheratsuak izan direla diote, eta izan da 2020. eta 2021. urteak «hekatonbetzat» jo dituenik ere
Atzoko irekiera ekitaldiko irudietako bat. ©MONIKA DEL VALLE / FOKU

Nerea Mujika: «Bi urte beldurgarriren ondoren, ospakizun garaia iritsi da»

I. Astiz

Gerediaga elkarteko kideek eta ordezkari politikoek «poza» adierazi dute irekiera ekitaldian, Durangoko Azokak ohiko itxura berreskuratzeagatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.