Albistea entzun

MIRA

Zain

PARIS (FRANTZIA), 2020-09-01.- Gizon bat, maskara soinean, Arch of La Defense paretik doa oinez, Paris kanpoaldeko negozio distrituan. Ikasturtearen hasierarako eta lanera bueltatzeko astea da hau, udako oporren ondoren. COVID-19aren agerpen berrien ondorioz, osasun protokolo zorrotzak indartu dituzte kalean, eskoletan eta lantokietan —Parisen bereziki—, eta maskararen erabilpena derrigorrezkoa egin.
PARIS (FRANTZIA), 2020-09-01.- Gizon bat, maskara soinean, Arch of La Defense paretik doa oinez, Paris kanpoaldeko negozio distrituan. Ikasturtearen hasierarako eta lanera bueltatzeko astea da hau, udako oporren ondoren. COVID-19aren agerpen berrien ondorioz, osasun protokolo zorrotzak indartu dituzte kalean, eskoletan eta lantokietan —Parisen bereziki—, eta maskararen erabilpena derrigorrezkoa egin. IAN LANGSDON / EFE Tamaina handiagoan ikusi

Aintzane Usandizaga -

2020ko irailak 4

Zenbat modu ezagutzen dituzu aiduru egoteko?

Batzuek lekuan zain geratzea hautatzen dute, erroak lur azpitik harago iltzatuz, ezin geldiago.

Beste hainbatek «zerbait» egiten du bitartean, etengabe, espero duen horixe despistatu nahi balu bezala... edo bere burua. Hala eraikitzen omen da egonarria.

Badira nazkatu arte errepikatu dizkiguten pazientziaren bertuteei muzin egin eta gainetik hegan pasatzen direnak ere, lauso eta ero, ohartu gabe igurikatzen zuten horretan baino gehiago gurarian bertan zegoela irrika guztia.

Aiduru egoteak badu etsigarritik. Desesperantza guztiok sufritu dugu inoiz. Zer esanik ez zeren itxaroan zauden ez dakizunean.

Ez al duzu sekula dei mamu bat espero izan, esaldi bat zure bizitza astinduko duena? Zenbat aldiz egon zara ikasturte, kanpai-hots, albiste, elkarrizketa, furgoneta horren itxaroan bide berriak urratzeko giltza izango delakoan?

Oporren igurika bizi dira gure egutegiak ere, beharrean hasterako falta diren egunak zirrimarratuz. Zertarako lan egiten dugun ez ahazteko. Hiruzpalau asteko opor biribilei urte osoko egunerokoari zentzua eman diezaioten exijituz.

Dorreetan hasperenezko esperoetan lokartzen ohitu gara, mundu kitzikagarri batera noiz, zerk, nork eramango. Barneko hutsa bikainki beteko digun zera berezi horren aiduru... Eta zigarroak pizten ikasi genuen, tragoei eskuetan tinko eusten zain geundela nabaritu ez zedin. Telefonoak etorri ziren gero, guztiok itxarote kamutsetan bizi ginela agerian uztearekin batera disimulatze orokorra egonkortu zutenak. Zain egoteko, izateko trikimailuak irakatsi dizkigute... baina helduleku gutxi esperoen espiraletan erori gabe bizitzen asmatzeko.

Guztiok gaude udazken honek ekarriko digunaren zain. Eta nago etsai komunaren funtzioa betetzen ez ote duen itxarote masiboak ere... are gehiago espero beharrekoari usainik hartzen ez diogunean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Auschwitzeko kontzentrazio esparruan hil zen Nemirovski, 1942ko abuztuaren 17an. ©BERRIA

Nemirovskik emandako azkena

Naroa Torralba Rodriguez

'Suite frantsesa' nobelaren bertsio argitaragabe bat eman du Alberdaniak. Agota Kristofen 'Koaderno handia' ere atera du

Aukeran konpainiako kideak, Hernanin (Gipuzkoa) <em>Migratzaileak</em> disko-liburua aurkezten. ©MAIALEN ANDRES / FOKU
'Xabier Lete. Poema eta abesti guztiak' bildumaren aurkezpena, gaur goizean, Donostian. ©Jon Urbe / Foku

Xabier Leteren obra osoa argitalpen bakarrean bildu dute

Itziar Ugarte Irizar

Hiru liburukitan batu dituzte idazle eta kantariaren poema eta abesti guztiak. Alex Gurrutxaga eta Lourdes Otaegi arduratu dira edizioa apailatzeaz —1.000 orritik gora, denera—, eta bost argitaletxek elkarlanean eman dute argitara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...