Noiz sortua: 2020-03-15 00:30:00

HITZ ETZANAK

Trumilka

Andoni Egaña -

2020ko martxoak 15

Scott anaiek, Clarence eta Irvinek, asmatu zuten komuneko papera biribilki gisara ekoiztu eta saltzen. XIX. mendearen bukaera zen, eta komunerako buelta tabu handien menpe zegoen. Horregatik, ez zuten paper harekin euren izena lotzerik nahi izan, eta charming izendatu zuten. Xarma eurentzat zertan zetzan logoaren aukeraketan nabarmendu zen: emakume gazte bat, leuntasunaren ikur. Gerora, paper mota hark scottex izena hartu zuen, eta ikurra ere aldatuz joan zen. Emakume gaztearen lekua hartu zuten, ume matrail-puztu batek lehenik; hartza txiki batek ondoren; gero, txakurtxo bihurriak...

Guk ez dugu lantegi horretarako aza-hostorik ezagutu. Adin pittin bat pilatu dugunok gogoan ditugu hainbat tailer eta tabernatako komunetan iltze batetik zintzilik egoten ziren egunkari zatiak. Gero, Elefante iritsi zen hegoaldeko gure komunetara. Kanpotik plastiko horizta mehe eta gardena, elefante gorri baten marrazkia zekarrena, eta barrutik paper marroizta bat, alde batetik lakarregia eta irristakorregia bestetik. Harekin ohituak, berri leunagoak heldu zirenean errazegi zulatzen zirela iruditu zitzaigun.

Datu bat egungo gizarte kontsumozalearentzat: ez hain aspaldi eta ez hain urruti, Elefante biribilkiak banaka saltzen eta erosten ziren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Gazte bat etxean ikasten itxialdi garaian. ©Raul Bogajo / Foku

Hego Euskal Herriko biztanleen %45ek «ondoeza» sufritu dute konfinamenduan

Edurne Begiristain

Konfinamenduak herritarrengan izan dituen ondorio psikologikoak aztertu ditu EHUk zuzendutako ikerketa batek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna