Albistea entzun

HITZ ETZANAK

Orrialdeak

Andoni Egaña -

2022ko irailak 25

Pilaketak eragin dizu itolarria. Tamalez, hainbesteko pilaketarik ez denean ez dizute erraiek halako atximurkarik egiten. Baina gaur hala tokatu da. Sekulako pilaketa Mundua-ri begira jarri zarenean.

Hamahirugarren orrialdea da, baina ez zara sineskerietan jausten diren horietakoa. Beste edozein izan zitekeen. Ohartu zara hildakoz betea datorrela orrialdea. Damaskokoa da lehen albistea: «Gutxienez 73 lagun hil dira Siriako kostaldean itota». Ondo-ondoan, Kabuldik datorrena: «Afganistanen zazpi hildako eragin ditu atentatu batek». Eta behealdean Irango berri: «Irango azken protestetan hildakoak gutxienez 50 direla salatu dute».

Orrialdeak gainezka egin dizu. Mundua ez da txoko atsegina borobila denean, baina laukizuzen bihurtzean okerrera ere egin dezake. Mundutik alde egin duzu Euskal Herrira. Ziurrago sentitzen zara zeure txokoan, hamahirugarrenean baino laugarren orrialdean. Eta han, Espainiako Poliziak trantsizioan eragindako indarkeria aztertu duen David Ballester historialariaren hitzak: «Zazpi urtez, hamazortzi egunean behin herritar bat hil zen Poliziaren gehiegikeriaren ondorioz». Zifrak buruan bueltaka, publizitatean entretenitzera jo duzu, kiroletan ere, gaur, istripu baten berri emango dizuten beldurrez.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...