HITZ ETZANAK
Kontatu
Bigarren eta hirugarren orrialdeetan, Nafarroako VII. Inkesta soziolinguistikoari buruzko datuak eta zifrak. Ion Orzaizek bere analisian aipatzen du alderdi nafarren munizio politiko kutunenetakoak direla txosten eta inkesta soziolinguistikoak, «datuei nondik begiratzen zaien, edozertarako balio dutelako».
Laugarren orrialdean, berriz, Gasteizen, Montehermoso jauregian egiten ari diren «Eragiteko janzten» jardunaldien albistea. Esperientziak trukatu eta hirian euskara erabiltzeko ekosistema propio bat sortzearen garrantziaz ari dira. Hemen ere datuak eta zifrak.
Batzuen munizioa eta besteen Montehermoson janztea gurutzatu zaizkit garunean. Eta irudikatu dut institutu irakasle bat Historia bere modura azalduz. Nola José Bonapartek Montehermosoko markesa, Tolosan jaioa, maitale zuen; nola Madrildik Frantziarantz ihes zihoala, Montehermoson geratu zen; nola kontatzen den, ingelesen aurkako Gasteizko bataila hura galdu zuela, berandu iritsi zelako; nola mihi gaiztoek dioten, larrutan harrapatu zuela driskak, eta berandu iritsi zela, prakak janzten asmatzen ez zuelako. Eta irakasleak txorkatiletan prakak katigatu zaizkionaren ibilera imitatuko luke... Zenbatzetik kontatzera pasatzen garenean hartzen du euskarak indarra.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
