Turkiako oposizioko alderdiek kritikatu egin zuten atzo gobernuak lurrikaren ostean egindako kudeaketa. CHP alderdi sozialdemokratako buru Kemal Kiliçdarogluk hitzeman zuen ez dela Erdoganen alde lerratuko. Nabarmendu zuen CHPk ez dituela onartuko oposizioak kontrolatutako udalerriei laguntza emateko ezarritako oztopo burokratikoak, eta bere alderdiko alkateei eskatu zien beren kabuz jarduteko. «Oztopo burokratikoak jartzen badizkizuete, entzungor egin».
CHPren arabera, alderdi horrek kontrolatutako barruti batzuetan, Erdoganen AKP alderdia laguntzen banaketan esku hartzen ari da, argudiatuta udalek ez dutela horretan eskuduntzarik, estatuak baizik. Kiliçdaroglu gogor mintzatu zen presidentearen aurka: «Utzidazue argi eta garbi esaten: prozesu honen erantzule nagusia Erdogan da. Gobernuak hogei urte daramatza lurrikarei erantzuteko protokolorik egin gabe».
Kiliçdaroglu bera ere lurrikarak kaltetutako hainbat hiritan izan zen atzo alderdikieekin batera.
Turkiako Gobernua egiten ari den kudeaketa kritikatu du oposizioak
Iruzkinak
Ez dago iruzkinik
Ordenatu