Albistea entzun

Koronabirusa

Pentsiodunek pandemiako testigantzen txostena aurkeztuko diote fiskaltzari

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko
Pentsiodunek agerraldia egin zuten, atzo, Justizia jauregiaren aurrean, Bilbon.
Pentsiodunek agerraldia egin zuten, atzo, Justizia jauregiaren aurrean, Bilbon. ARITZ LOIOLA / FOKU Tamaina handiagoan ikusi

Maialen Arteaga -

2020ko abuztuak 6 - Bilbo

«Gu pandemian gertatu dena frogatzen saiatu gara, baina oraindik informazio asko falta zaigu». Hala adierazi du Xabier Isasa Bizkaiko Pentsiodunen Mugimenduko kideak, pentsiodunek Bilbon egin duten agerraldian. «Txostena oso serioa, sakona eta arduratsua da», eta pandemian gertatu diren kudeaketa arazoak frogatzea du helburu, etorkizuneko agerraldi posibleetan horrelako egoerarik berriz gerta ez dadin. Pandemiako hilabeteetako testigantzak eta datuak biltzen dituzte.

Txosten hori aurkeztuko dio pentsiodunen mugimenduak EAEko Fiskaltzari, COVID-19a hedatu zenez geroztik menpekotasun egoeran dauden edo zahar etxeetan izan diren hainbat kasu jasotzen dituena. Dagoeneko Arartekoari aurkeztu diote, eta atzo fiskalarekin biltzea espero zuten, baina, oporraldia dela medio, irailaren 7ra atzeratu behar izan dute bilkura. Bilboko Justizia Jauregiaren aurrean bildu ziren atzo txostenaren nondik norakoak azaltzeko.

Datu eta testigantza horiek «giza eskubideen urraketak» direla azaldu dute. Horrez gain, Arabako Fiskaltzaren izenean aurkeztutako salaketa ere ageri da.

Herrialdez herrialdeko azterketa egin dute, eta, horren bidez, Arabako, Bizkaiko eta Gipuzkoako analisi orokorra jasotzen da. Azterketarako eragile sozialekin, langileen ordezkariekin eta zahar etxeetako langileekin elkarlanean aritu direla azaldu dute.

Informazioa falta zaienez gero, fiskaltzaren azterketa «sakona» beharrezkoa dela uste dute, eta, jarduteko eskubideei erreparatuta, fiskaltza gorenera jotzea erabaki dute: «Bere funtzioa eta eskumenak jakinik, hutsune eta gabezia larriak kontuan hartzeko eskatzen diogu. Neurri zehatzak eta berehalakoak behar dira», gehitu du Isasak.

Pandemiak zahar etxeetan eragin «handia» izan duela adierazi du Juan Antonio Armentiak, Arabako Pentsiodunen Mugimenduko kideak: «Hego Euskal Herriko hildakoen %38a zahar etxeetako egoiliarrak izan dira». Zahar etxeetatik kanpoko kudeaketari ere erreparatu diote; etxeko laguntza zerbitzuak «hankamotz» ibili direla, eta osasun langileek «baliabiderik gabe» lan egin dutela adierazi dute pentsiodunek.

Oraindik ere zaurgarri

Pandemiaren eraginen artean pertsona helduen bakartzeak eragin «berezia» duela azpimarratu dute. Izan ere, zahar etxeetako egoiliarrek itxialdia bukatu eta hiru hilabetera egoera berdintsuan jarraitzen dutela salatu dute: «Oraindik ezin dira egoitzetatik atera, familiako kide bakar batek soilik bisita ditzake, eta astean bitan», zehaztu du Armentiak.

Zahar etxeetako egoiliarrak bizitzen ari diren bakartzea pertsona helduen kontrako «atentatua» dela gehitu du Armentiak.

Azken hilabeteetan menpeko pertsona helduen eskubideak «urratu» egin direla azaldu du Armentiak, eta horiek bermatzea «gizartearen oinarrizko gaia» dela gehitu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hainbat aplikazio eta streaming plataforma erakusten dituzten pantailak. ©Berria

Gaztelaniazko ikus-entzunezkoen nagusitasuna nabarmena da herri euskaldunenetan ere

Julen Aperribai

Uemako herrietako ikasleen %73k gaztelaniaz ikusi dute, azkenekoz, telesail bat. Netflix streaming plataformaren kontsumoa gehien ikusten den hurrengo plataformarena halako bi da. Lehen Hezkuntzako ikasleen artean, marrazki bizidunen Clan katearen audientziak bikoiztu egiten du ETB3rena.

Epaiketaren asteleheneko saioa. ©L. Rico / EFE

Sansohetako laugarren akusatuak aitortu du adingabeez abusatu zuela, eta zigorra arindu diote

Iñaut Matauko Rada - Edurne Begiristain

Astelehenean beste hiru gizonek onartu zituzten beren aurkako akusazioak, eta urtebete eta hamahiru urte arteko kartzela zigorrak ezarri zizkieten.

Euskaraldiaren hirugarren aldiaren aurkezpena, iazko azaroan, Iruñean. ©IDOIA ZABALETA / FOKU

Gaur zabalduko dute Euskaraldirako izen ematea, begia lorpenetan jarrita

Julen Aperribai

Erronka zehatzetan eta praktika linguistikoetan indar berezia egingo du aurten ariketa sozialak. Sozializaziorako gogoa egitasmoaren alde baliatu nahi dute

Elkarretaratzea egin zuten atzo Elgoibarren. ©JON URBE / FOKU

Irmo gaitzetsi dute kalean azken hilketa matxista

Julen Otaegi Leonet

Soraluzeko Udalak (Gipuzkoa) kontzentraziora deitu du gaur 19:00etarako. Udalak herritar guztiei eskatu die elkarretaratzera bertaratzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...