Eskola ataria okupatu zuten, atzo goizean, Irisarriko (Nafarroa Beherea) eskola publikoko gurasoek, ikasleekin batera, beren kexua adierazteko. Izan ere, irailetik goiti euskara gehiago sartu nahi dute bigarren zikloko lehen hiru urteetan: lau egunetik hiru egin nahi dituzte euskaraz —orain, bi dira—. Gainera, lehen urteko lehen hiru hilabeteak osoki euskaraz izatea galdetzen dute. Ikuskaritzari proiektua aurkeztu diote, baina ez dute erantzunik jaso.
Jenofa Loihato gurasoa da, eta honela mintzatu da: «Haserre gara, proiektu bat pentsatua dugu, plantan ezartzeko ahalak baditugu, eta ezin gauzatuz ari gara, erantzunik ez baitugu ukaiten administrazioaren partetik». Gurasoen gehiengoak, irakasleek eta herriko etxeak bat egin dute galdearekin. Alta, ez dute erantzunik ukan, eta «etengabeko oztopoak» ezartzen zaizkiela salatu dute gurasoek.
Irisarriko eskola publikoa okupatu dute dozena bat gurasok
Iruzkinak
Ez dago iruzkinik
Ordenatu
