Albistea entzun

Irango azken protestetan hildakoak gutxienez 50 direla salatu dute

Ehunka dira zauritutakoak eta beste hainbeste atxilotuak. Amini gazteari gertatutakoa argitzeko ikerketa bat iragarri du presidenteak
Protestak mundu osora zabaldu dira. Argazkian, Haga (Herbehereak).
Protestak mundu osora zabaldu dira. Argazkian, Haga (Herbehereak). L. V. L. / EFE Tamaina handiagoan ikusi

Uxue Rey Gorraiz -

2022ko irailak 24

Kopurua puzten ari da apurka. Mahsa Amini gaztearen heriotza salatzeko protestetan hildakoen datua eguneratu du Norvegian egoitza duen Iran Human Rights gobernuz kanpoko erakundeak. Nabarmen handitu da: 50 dira dagoeneko. Datu ofizialen arabera, berriz, 17 dira hildakoak. Protesta jendetsuak ez ziren eten atzo, bizitu baizik, eta urrun dirudi baretzeak. Poliziarenak ere bai.

Hengaw taldeak herenegun BERRIAri jakinarazi zionez, ordurako 733 pertsona ziren protestetan zaurituak. Ugarituz doaz atxilotuak ere: 600 inguru dira dagoeneko. Taldeak azaldu duenez, azken egunotan zauritutako asko ez dira joan ospitalera, «atxilotuko dituzten beldur baitira».

Poliziak segurtatu du Aminiren heriotza «ezbeharra» izan dela. Halaber, Irango presidente Ebrahim Raisik Aminiren familiari hitzeman dio ikerketa bat abiatuko duela egiazki zer gertatu den argitzeko.

Aminiren hilketak piztutako protesten erreakzio gisa, gobernuaren aldeko mobilizazioak egin zituzten atzo Irango zenbait hiritan. Manifestariek AEBen eta Israelen kontrako leloak oihukatu zituzten, eta gobernuaren kontra agertu direnen exekuzioa galdegin zuten, Iranen «etsaien» esanetara ari direlakoan.

Irango Moralaren Poliziak aurreko asteartean atxilotu zuen 22 urteko gaztea, beloa «gaizki jarrita» eramateagatik. Poliziaren arabera, egun hartan bertan bihotzeko bat izan zuen Aminik, Teherango komisaria batean, eta ostiralean hil zen, ospitalean, hiru egunez koman egon eta gero. Gurasoek argi utzi dute ez zegoela gaixo atxilotu aurretik. Aminiren heriotzak herrialde osoa asaldatu duen arren, Kurdistanen zabaldu dira protestak batez ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©ALBERTO ESTVEZ / EFE

Erreferendumak zer ekarri zuen

Igor Susaeta

Galdeketara deitu zuten, lege bat onartu zuten horretarako, eta herritarrek bozkatu egin zuten, Poliziaren indarkeriari aurre eginez. Madrilek errepresioaren bidean segitu zuen, eta kartzelatzeak eta erbesteratzeak heldu ziren.
Pere Aragones Kataluniako presidentea, gaur, politika orokorreko eztabaidan ©Quique Garcia, EFE

Erreferendum bat noiz eta nola egin zehazteko argitasun akordio bat proposatu du Aragonesek

Gorka Berasategi Otamendi

Proposamen horren aldeko akordioa jostera deitu ditu Kataluniako alderdiak eta gizartea. JxCk gobernu akordioa betetzeko eskatu dio; bestela, konfiantza arazo batera aurkezteko galdegingo diola ohartarazi du.

Pertsona bat, atzo, Ukrainako Zaporizhia eskualdeko hautesleku batean, bozkatzeko pronto. ©EFE

Errusiarekin bat egitearen alde bozkatu dute Ukrainan okupatutako lurraldeetan

Igor Susaeta

Kievek traizioa egotziko die galdeketetan «moduren batean» parte hartu dutenei. Moskuk prest ditu anexioa gauzatzeko botere «legegilea, exekutiboa eta juridikoa»
Kremlinen ustez, NATO ez da sartuko Ukrainan, arma nuklearrak erabilita ere

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...