Indar hartzen ari da «Espainia osoan» selektibitate bakar bat egiteko eskaria

Salatu dute erkidego batetik bestera ezberdina dela probaren zailtasuna. Lantalde bat eratuko du ministerioak, «desorekak» aztertzeko xedez
Selektibitatearen aurkako pintaketa bat, atzo, Gasteizen.
Selektibitatearen aurkako pintaketa bat, atzo, Gasteizen. DAVID AGUILAR / EFE

Garikoitz Goikoetxea -

2019ko ekainak 6
Martxan da selektibitatea, unibertsitatera sartzeko hautaproba. Nafarroako ikasleek gaur dituzte azken azterketak, eta bihar bukatuko dituzte Arabako, Bizkaiko eta Gipuzkoako ikasleek. Denera 13.972 ikasle daude izena emanda —euskaraz egingo dute selektibitatea bostetik hiruk—. Azterketaren bueltan eztabaida sortu ohi da. Batetik, probaren izaeragatik eta ikasleentzat ekartzen dituen arazoengatik —hain justu, protesta egin zuten atzo goizean, azterketak egiten ari diren unibertsitateetan—. Bestetik, Espainiako sektore batzuek gogor jo ohi dute selektibitatea erkidego bakoitzak antolatzearen kontra. Aurten, irmoago. Ikerketa batzuk egin dituzte, eta, horien arabera, emaitzetan alde handiak daude erkidego batetik bestera. Ohartarazi dute erkidego batzuetako ikasleek «errazago» dutela unibertsitatera sartzea. Espainiako Hezkuntza Ministerioak batzorde bat osatu du «desorekak» aztertzeko.

PPk eta Ciudadanosek heldu diote gaiari bereziki, eta eskatu dute «Espainia osoan» azterketa berbera izan dadila —LOMCE legea eztabaidatu zuten garaian ere jarri zuten mahai gainean auzia—.

Selektibitatea erkidego bakoitzeko unibertsitate publikoak antolatzen du, eta unibertsitatera sartzeko notaren %40 erabakitzen du. Kontua da nota horrek estatu osorako balio duela, unibertsitate barruti bakarraren ondorioz: alegia, EHUn edo NUPen izena emateko aukera bera dute bertako ikasleek edo edozein espainiarrek. Eskuineko alderdiek diote selektibitateko diferentziak kalte egiten diela erkidego horietako ikasleei.

Isabel Zelaa Hezkuntza ministroak aitortu du «gorabeherak» daudela erkidego batetik bestera, eta lantalde bat sortu du. Ez du, hala ere, proba bateratzeari buruz hitz egin, baizik eta irizpideak finkatzeaz. «Toki batean hainbat puntu kentzen badituzte akats ortografikoengatik eta bestean ez, alde hori zuzendu liteke». Lehentasun jo du «ekitatea» bermatzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna