Albistea entzun

Koronabirusa

Ziurtagiria, presaka eta ehunka zalantza artean

Gauerditik aurrera COVID-19 ziurtagiria eskatzera derrigortuta daude kontzertu aretoak eta 60 mahaikidetik gorako jatetxeak Nafarroan. Totem eta Zentral aretoek azaldu dute ez dutela denborarik izan antolatzeko.
<b>Larunbatean, Zentral aretoan aurkeztu zuten Euskaraldia.</b>
Larunbatean, Zentral aretoan aurkeztu zuten Euskaraldia. IDOIA ZABALETA Tamaina handiagoan ikusi

Joxerra Senar -

2021eko azaroak 27 - Iruñea

Nafarroako Auzitegi Nagusiak COVID-19 ziurtagiria erabiltzea onetsi zuenetik bi egun ez dira pasatu, eta gauerditik aurrera agiri hori behar da hainbat tokitara sartzeko: hala nola 60 mahaikidetik gorako jatetxeak, diskoteka eta dantzalekuak eta jaten edo edaten ematen duten mila lagunetik gorako kultur ekitaldietan. Atzo, hori guztia antolatzen zebiltzan Iker Isiegas Totem aretoko ekoizlea eta Olatz Pison Zentral aretoko komunikazio arduraduna. Biek nabarmendu dute presaka egin behar izan dutela dena, eta, indarrean sartu aurretik, «ehunka zalantza» eragin dizkiela.

«Gure erreakzio denbora eskasa izan da», aipatu du Pisonek. Nahiz eta iragan asteko bilera batean gobernuak pasaportea ezartzeko asmoaren berri eman, Isiegasek azpimarratu du «epe bat» behar dutela egokitzeko: «Ez dut esaten bi aste behar ditugula, baina ez da posible ostegunean erabakiaren berri izan eta hura ostiralean abian jartzea. Asteburu honetakoa utzi egingo nukeen, astelehenetik aurrera erabiltzaileei jakinarazteko baldintza berriak».

Totemek eta Zentralek kontzertu batzuk dituzte antolatuak, eta ziurtagiria indarrean sartzeak ondorio legal batzuk ditu: «Bezeroek arrazoi dute baldintzak aldatu direlako, eta dirua itzuli egin behar diegu nahitaez», dio Pisonek. Dena den, linbo moduko bat sortzen da, eta horrek kalte egingo die. «Onargarria da txertoa jaso ez duenari itzultzea dirua, baina zer gertatzen da? Edonork eska dezakeela hori, eta ez dudala telefonoz edo posta elektronikoz hori egiaztatzerik», azaldu du Isiegasek. Bezeroen eskubideaz gain, langileenarekin ere dudak pizten dira, ez baitago argi txertoa jasotzera derrigortuta ote diren.

Eurak arduratuko dira agiriaren QR kodea irakurtzeaz. Gobernuak Suitzan egindako aplikazio bat erraztu die, eta Anaim Nafarroako musika industriaren elkarteak Kataluniako beste bat jarri die ere eskura. «Nahiko ondo doa, baina nahiko mantso», esan du Isiegasek. Presaka egokitu behar izatearen ondorioz, ez dakite nola erantzungo duen: «Begiratu behar dugu sarrera, QR kodea eta NA agiria ziurtatzeko hori dela pertsona. Saiatuko gara ahalik eta hobekien egiten», gaineratu du. Pisonek ez du zalantzarik: «ilara ikaragarriak» sortuko dira.

Isiegasek esan du azken hilabetean oso ondo ari zirela lanean, baina ziurtagiria «baldekada bat ur hotz» izan dela; «Aldi baterako erregulaziotik atera berri ginen, inbertsioa egin dugu eta orain hau dator». Horregatik, kultura arloak egindako esfortzuari balioa emateko eskatu dio gobernuari Pisonek: «Edukiera murriztuarekin inori ez zaio interesatzen kontzertuak antolatzea. Kultur ekitaldiak seguruak ez diren mezua eman da, eta zigortuak izan gara. Toki seguruak diren mezua zabaldu behar litzateke».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Herriko jaiotza tasa, herriz herri

Euskal Herriko jaiotza tasa, herriz herri

Berria

Mila biztanleko kalkulatzen da jaiotza tasa: herri bakoitzeko biztanleak mila balira jaiotzak zenbat liratekeen neurtuta. Herrien artean konparaketak egiteko balio du tasak. Euskal Herriko jaiotza tasa mila biztanleko 7koa zen 2020an, 1960ko hamarkadatik baxuena. 2008tik hiru puntu jaitsi da jaiotza tasa, orduan 10,2koa baitzen.

Bilbo Bizkaia Ur Partzuergoko arduradun Pedro Barreiro eta Koldo Urkullu, atzo, Bermeon. ©MARISOL RAMIREZ / FOKU

Hasi dira ur edangarria Santurtzitik Bermeora itsasontziz garraiatzen

Gotzon Hermosilla

«Ezohiko egoera bati erantzuteko ezohiko neurria» da ontziarena. Bilbo Bizkaia Ur Partzuergoko arduradunen esanetan, uraren kalitatea bermatuta dago: «Ez dago kontrol gehiago duen urik»

Uztail erditsuan, jadanik, Ortzaizeko errekak kasik osoki idortu ziren, arrainen irautea lanjerean jarriz. ©ERROBIKO AAPPMA

Ur kamioiak lehortea arintzeko

Leire Casamajou Elkegarai

Azken hogei egunetan, Ortzaize eta Arrosa herriek ez dute nahiko urik izan tokiko biztanleriaren beharrei erantzuteko. Azken euriteek arazoa hein batean konpondu dute; bestelako kezka bat ekarriz, ordea.

Bilboko Alde Zaharreko zenbait bizilagunen agerraldia, atzo. ©MARISOL RAMIREZ / FOKU

Salatu dute Bilbon jazarri egin zaizkiela bortxaketa baten berri emateagatik

Oihane Puertas Ramirez

Bilboko Alde Zaharreko auzokideek jakinarazi dute hogei bat lagun identifikatu dituztela. Autodefentsa feministara deitu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.