Albistea entzun

Beheranzko joera eten da, eta 48 hildako egon dira azken astean

Amaia Ramirez de Okariz Kortabarria -

2021eko apirilak 1

Eten egin da koronabirusarekin hildakoen kopuruaren beheranzko joera Hego Euskal Herrian. Nafarroako Gobernuak eta Eusko Jaurlaritzak emandako datuen arabera, astebetean, martxoaren 22tik 28ra bitartean, Hegoaldean 48 pertsona hil dira COVID-19ak jota, aurreko astean baino hamabost gehiago, eta heriotza horiek batez ere Araban, Bizkaian eta Gipuzkoan erregistratutakoak izan dira. Zehazki, 43 pertsona hil dira eremu horietan, eta gainontzeko bost kasuak Nafarroakoak dira. Martxoko lehen astean jaso zuten azkenekoz horrelako kopuru bat.

Hildakoen kopuruaren goranzkoaren adierazle da positiboen igoera ere. Martxoaren 11n hartu zuen kurbak goranzko joera, eta ordutik ez du norabidea aldatu. 10.845 PCR proba eta antigeno test egin zituzten herenegun Osakidetzako eta Osasunbideko osasun langileek, eta, guztira, 794 positibo atzeman zituzten, aurreko egunean baino 109 gehiago. Kasu horietatik gehienak Bizkaian erregistratu zituzten: 297. Gipuzkoan, 210 izan dira; Nafarroan, 163; eta Araban, 118. Gainontzeko sei kasuak EAEtik kanpo bizi diren herritarren artean atzemandakoak dira, Jaurlaritzaren arabera. Eta positiboen portzentajea, berriz, %7,32 da.

Lurraldeetako intzidentziei erreparatuta, ordea, guztiak ari dira gora egiten, baina Arabak du tasarik handiena. Ostean, Gipuzkoa, Nafarroa eta Bizkaia daude.

Erietxeetan, 468 pertsona

Hegoaldeko erietxeetako egoerari dagokionez, gobernuek atzo emandako datuen arabera, guztira, 468 pertsona daude ospitaleratuta. Horietatik 364 gela arruntetan daude eta 104 ZIU zainketa intentsiboetako unitateetan. Kopuruak, aurreko egunekoak baino apalagoak dira, hamar ospitaleratu gutxiagorekin, baina ospitaleratuta dauden pertsonen kurbak, oro har, goranzko joerari eusten dio.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Haize errotak, Elgeako parke eolikoan. ©ENERGIAREN EUSKAL ERAKUNDEA

Berriztagarrien argi-itzalak

Amaia Ramirez de Okariz Kortabarria

Eusko Jaurlaritzak lau parke eoliko eraiki nahi ditu Araban, baina desadostasunak eragin ditu energia berriztagarrien eredu horrek. Nafarroan, «eztabaida irekia» eskatu dute halako proiektuen inguruan

Suhiltzaileek zabalduriko irudia. ©Nafarroako Suhiltzaileak

Irati ibaian hilda agertu da Agoizko herritar bat

Berria

Foruzaingoa ikertzen ari da afera. Hildakoak Parkinsonen gaitza pairatzen zuela zabaldu dute.

Ertzaintzaren kontrol bat, Gasteizko irteeran. ©ENDIKA PORTILLO / FOKU

Intzidentzia 400dik gorakoa da Araban, Gipuzkoan eta Nafarroan

Ion Orzaiz - Uxue Rey Gorraiz Arantxa Iraola

Bilbo eta Gipuzkoa itxiko dituzte, eremu gorrian sartu ostean. Positibo tasa %8,9 da Hegoaldean. Ostalariek helegitea jarriko dute, baina, Urkulluren esanetan, oraindik ezin dira neurriak arindu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.