Albistea entzun

Hauteskundeak Ipar Irlandan

Sinn Feinek lehendabizikoz irabazi ditu bozak, eta alderdi unionistak apaldu egin dira

Errepublikanoek 2017ko bozetako kopuru berari eutsi diote: 27 aulki. DUP alderdi unionista 25ekin geratu da, hiru galtzeraino. Biak elkarrekin gobernua osatzen saiatuko dira.

Ezkerretik eskuinera, Sinn Fein alderdiko buru Mary Lou McDonald, John O'Dowd alderdikidea eta Michelle O'Neill lehen ministro izateko hautagaia, atzo.
Ezkerretik eskuinera, Sinn Fein alderdiko buru Mary Lou McDonald, John O'Dowd alderdikidea eta Michelle O'Neill lehen ministro izateko hautagaia, atzo. EFE Tamaina handiagoan ikusi

Mikel O. Iribar -

2022ko maiatzak 8

Ipar Irlanda duela 101 urte sortu zenetik aurrenekoz, litekeena da uhartearen batasuna nahi duen lehen ministro bat egotea, Asanblearako hauteskundeak irabazi ondotik: Michelle O'Neill, Sinn Fein alderdiko presidenteordea. Errepublikanoek ganberako 90 eserlekuetatik 27 eskuratu dituzte, eta, gisa horretara, 2017ko bozetan lortutako legebiltzarkide kopuru berari eutsi diote. O'Neillek «batasunerako» deia egin zuen atzo; DUP Alderdi Demokratiko Unionistarekin, hots, boto gehien bildutako alderdietan bigarrenarekin osatu beharko baitu gobernua. «Lidergo inklusiboa eskainiko dut, aniztasuna bermatzen duena, iraganean baztertuak, diskriminatuak edo ez ikusiak izan direnentzat eskubideak eta berdintasuna bermatzen dituena».

Alderdi unionistentzat, oro har, emaitza txarra izan da: DUPek jaitsiera izan du, eta 25 legebiltzarkiderekin geratu da, azken bozetan baino hiru gutxiagorekin. UUP Ulsterko Alderdi Unionistak ere bat galdu du, bederatzirekin geratzeraino. Bestalde, inkestek aurreikusten zuten Aliantza Alderdiaren gorakada gauzatu da: hamazazpi eskuratu ditu errepublikanoen eta unionisten artean hirugarren bidea izan asmo duen alderdiak, aurrekoan baino bederatzi gehiago.

Gainerako alderdiei dagokienez, berriz, errepublikanismoaren aukera moderatuagoa izan ohi den SDLP Alderdi Sozial Demokrata Laboristak kolpe handiagoa hartu du, eta zortzi eserleku baino ez ditu eskuratu, duela bost urte baino hiru gutxiago. Azkenik, Independenteak alderdiak bi aulki lortu ditu, eta bana eskuratu dute TUV Unionista Tradizionalek eta People Before Profit alderdiak.

Lehenbiziko aukerako botoen artean, Sinn Feinek jaso du boto gehien, alde handiz, gainera: %29 lortu ditu, 2017ko bozetan baino 1,1 puntu gehiago; DUPek, berriz, jaitsiera nabarmena izan du, eta %21,3 eskuratu ditu, aurrekoan baino 6,7 puntu gutxiago; Aliantza Alderdiak gorakada nabarmena izan du: lehenbiziko aukerako botoen %13,5 jaso ditu, orain dela bost urte baino 4,5 puntu gehiago. Parte hartzea %63,61ekoa izan da; 2017ko bozetan %64,8koa izan zen.

Mahaian esertzera

Sinn Feinek bozak irabazi baditu ere, ikusteko dago DUP O'Neill errepublikanoa buru duen gobernuan sartuko den. Izan ere, alderdi unionistako buruzagi Jeffrey Donaldsonek mehatxu egin du esanez Asanblean gobernabidea blokeatuko duela baldin eta Sinn Feinek ordezkaritzarik handiena lortzen badu eta Erresuma Batuko Gobernuak eta Europako Batzordeak ez badute aldatzen Ipar Irlandarako Protokoloa. Beraz, jarrera horri eusten badio, baliteke herrialdea blokeo politikora itzultzea. Halere, Donaldsonek atzo adierazi zuenez, alderdiaren hurrengo urratsak zein diren jakiteko, gakoa izango da datorren astean Elizabeth II.a Erresuma Batuko erreginak zer esango duen bere hitzaldian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

"2022an oheratu nintzen eta 1950an esnatu naiz"

Abortu eskubide konstituzionala indargabetu dute epaileek AEBetan

Urtzi Urrutikoetxea

Milaka lagun irten dira AEBetako hirietan abortu eskubidearen aldeko protestetan. Elkar babestearen eta kalean mobilizatzearen garrantzia nabarmendu dute.

Migratzaile talde bat pilatuta, atzo, Marokoko Nador hirian. ©AMDH

Gutxienez 37 dira Melillako hesia gainditzeko saiakera jendetsuan hildakoak

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun, herenegun. SOS Arrazakeriak elkarretaratzera deitu du gaurko.

Joe Biden AEBetako presidentea, atzo, Etxe Zurian, hedabideen aurreko agerraldian. ©OLIVIER CONTRERAS / EFE

Biden: «Muturreko ideologia baten ondorioa da»

U. Urrutikoetxea

AEBetako presidenteak ohartarazi du amen heriotza tasa igo egingo dela herrialdean, Auzitegi Gorenak hartu duen erabakiaren ondorioz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...