Asensiok aitortu du Zubietan akatsak daudela, GuraSOSen arabera
GuraSOSek salatu du Jose Ignacio Asensio Gipuzkoako Ingurumeneko eta Obra Hidraulikoetako diputatuak badakiela Zubietako erraustegiak «iragazgaiztasun» arazoak dituela.
GHK Gipuzkoako Hondakinen Kontsortzioaren azken barne batzarrean eman zuen horren berri Asensiok, GuraSOSen arabera. Azaldu dute «iturri fidagarrien bidez» jakin ahal izan dutela informazio hori, eta Asensiok batzar horretan adierazi zuela bi puntutan zeuzkala erraustegiak arazoak. Batetik, «errausketa egiten den eremuaren aurretik dagoen putzuan» egongo litzateke hermetikotasun arazo hori, eta, bestetik, «biolehorketarako plantaren hegoaldean».
Ikusi gehiago: «Dioxinek hainbat hamarkada iraun dezakete sedimentuetan»
Asensiok, bestalde, atzo adierazi zuen «GuraSOS, EH Bildu eta halako taldeek erabili ohi duten manipulazio politikoa» dela Toxico Watchek Zubietako kutsadurari buruz ateratako txostena, eta azaldu zuen dioxinak «Europako araudiak ezarritako mugaren azpitik» daudela erraustegi inguruan. GHK-k, berriz, salatu du komunikabideak «informazio faltsua» ematen ari direla, baina aitortu du baimena eskatu duela «plantaren azpitik doan sakoneko drainaren irteeran segurtasun sistema bat» jartzeko: «Etorkizunean beharrezkoa izanez gero, plantaren azpian biltzen den lurpeko ur emaria Añarbeko ur beltzen sarera eramateko».
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
