Albistea entzun

Abel Arkenbout. Toxikologoa

«Dioxinek hainbat hamarkada iraun dezakete sedimentuetan»

BERRIA Tamaina handiagoan ikusi

Jone Arruabarrena -

2022ko azaroak 26

Toxico Watch Herbehereetako fundazioak egindako azken txostenaren arabera, dioxina kantitate handia dago Zubietako erraustegiaren inguruko arrautzetan eta goroldioetan. Txosten horren egileetako bat da Abel Arkenbout, eta harekin mintzatu da BERRIA.

Ikusi gehiago: Asensiok esan du Toxico Watchek kaleratutako txostena «manipulazio politikoa» dela

Dioxina kantitate handiak atzeman dituzue Zubietan.

Neurketak egin genituen erraustegia martxan jarri aurretik ere, eta ez genuen dioxinarik aurkitu, baina planta ireki eta urtebetera jada dioxinak ageri ziren. Orain, arrautzetan, goroldioetan eta pinuetan aurkitutako dioxinak errauskailuko dioxina emisioekin alderatu nahi genituzke. Orain arte ezin izan dugu ikusi errauskailuko errekuntza gasen dioxina emisioei buruzko datuak dituen txostena. Herbehereetan eta Belgikan, berriz, horrelako txostenak eskuragarri daude.

Zer kalte eragin dezakete substantzia horiek ingurumenean eta gizakietan?

Dioxinak oso toxikoak dira, eta minbizia, ugalketa eta garapen arazoak, sistema immunologikoan kalteak eta gure hormonekin interferentziak sortzea eragin dezakete. Gainera, oso iraunkorrak dira: urte asko irauten dute gorputzean. Zoruan eta sedimentuetan hainbat hamarkada iraun dezakete, baita mendeak ere.

PFAS izeneko substantzia batzuk ere aurkitu dituzue, eta kezka piztu dute. Zer dira?

PFAS substantzia talde zabala da, eta nekez kudea eta azter daiteke osorik. Industrian PFAS berri asko erabiltzen dira, baina kezka handia dago zaila delako horiek gero erabat suntsitzea. Baliteke errauskailu modernoek ezin izatea substantzia horiek erabat desagerrarazi.

Arkaitzerrekako kutsadura ere aztertu duzue. Zer ondorio atera dituzue hortik?

Kromoaren, nikelaren, kloroaren eta amoniakoaren kantitate handiak aurkitu ditugu; mugak gainditzen dituzte.

Posible da ingurune hori leheneratzea?

Denbora beharko da kutsadura desagerrarazteko. Ez dakigu kutsatzaile organiko iraunkorrekin kutsatuta dagoen; hala balitz, hamarraldi batzuk beharko lirateke.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elantxobeko portua, artxiboko irudi batean. ©Marisol Ramirez / Foku

Urpekari bat hilda atera dute uretatik Elantxoben

Berria

10:00ak aldera atera dute gorpua, herritar batek abisua eman ostean. Ikerketa zabaldu du Ertzaintzak.

Suhiltzaile bat lanean, artxiboko irudi batean. ©Juan Carlos Ruiz / Foku

95 urteko gizon bat hil da Bilbon, bere etxeak su hartu eta gero

Berria

02:00ak aldera gertatu da ezbeharra. Gizona bizirik atera dute suhiltzaileek, baina ospitalean hil da.

Ihintz Oliden, AEK-ko Ipar Euskal Herriko koordinatzailea. ©Guillaume Fauveau

«Zaila da irakasleak atzematea eta atxikitzea»

Iñaki Etxeleku - Ipar Euskal Herriko Hitza

Urrian, AEK-k erakundeei galdegin zien laguntzak emenda ditzatela bere irakasleek hilabete sari duinak ukan ditzaten. Ez da deus aitzinatu geroztik, baina ikasleen galdea beti berdin azkarra da.

Erdiz Bizirik-ek manifestazio bat eginen du Iruñean

Erdiz Bizirik-ek manifestazio bat eginen du Iruñean

Iker Tubia

Apirilaren 22an izango da, Landa Eremuaren Nazioarteko Egunean. Erdizen egin asmo duten meategiaren kontrako protestetan ari dira

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...