Albistea entzun

AHTaren aurka, elkar elikatuz

Araba Bizirik plataformako kideek AHTaren aurkako hiru eguneko nazioarteko kanpaldi batean igaro dute asteburua, Alpeetako Val di Susan. Araban dituzten beste ingurumen auzi batzuen berri ere eman dute.
AHTaren aurkako protesta, Val di Susan.
AHTaren aurkako protesta, Val di Susan. BERRIA Tamaina handiagoan ikusi

Unai Etxenausia -

2022ko uztailak 31

AHT abiadura handiko trenaren aurkako mugimenduek indartsu jardun izan dute, eta ez bakarrik Euskal Herrian, baita Europa osoko herrialde askotan ere. Horren adibide da Alpeetako Val di Susa haraneko biztanleek, Turingo probintzian (Italia), urteetan egin duten borroka. Hiru hamarkada baino gehiago dihardute Lyon (Frantzia) eta Turin lotzeko eraiki nahi duten trenbide linearen aurkako borrokan. Ondorioz, AHTaren aurkako borrokaren nazioarteko ikur bilakatu da bailara. Horregatik, urtero legez, aurten ere nazioarteko kanpaldi bat antolatu dute asteburuan Venausen —Val di Susako udalerri bat— , Festival Alta Felicita lelopean. Araba Bizirik plataforma gonbidatu dute kanpaldira, besteak beste. Euskal Herrian AHTaren eta beste zenbait proiekturen aurka dauden mugimenduen berri eman dute.

1990eko hamarkadan abiatu zuten abiadura handiko linea bat eraikitzeko proiektua Val di Susan. Ordutik, haraneko eta Turin hiriko biztanleak No TAV mugimenduaren inguruan antolatu dira. Roberto Ruiz de Arkaute Araba Bizirik-eko kideari garrantzitsua iruditzen zaio esperientzia horiek gertutik ezagutzea, eta, aldi berean, abiadura handiko trenaren aurkako borrokak nazioartera zabaltzea: «AHTaren aurkako ikur bilakatu da Val di Susa. Horregatik, interesgarria eta beharrezkoa iruditzen zaigu topaketa horietan egotea. Besteak beste, egiten duten lana eta gobernuaren aldetik jasaten duten errepresioa gertutik ezagutzeko».

Oro har, AHTaren aurkako Euskal Herriko plataformen antzerako argudioak erabiltzen ditu No TAV mugimenduak. Uste dute haranerako proiektatutako abiadura handiko linea garestiegia dela, eta Frantzia eta Italia arteko garraioaren kalitatea hobetzeko helburua ez duela betetzen. Horrez gain, pertsonen osasunaren gainean kalteak eragin ditzakeela argudiatzen dute. Hala ere, Ruiz de Arkauteren iritziz, «badaude ezberdintasunak, eta badago zer ikasi».

Hari horretatik tiraka egin du gogoeta plataformako kideak: «Beste ikuspuntu bat gehitu nahi diegu Euskal Herrian ematen ditugun hitzaldiei. Izan ere, nazioarteko borroka moduan ulertu behar dugu. Kanpaldian ikasten dugunak hemengoari indarra emateko balio behar digu». Horrek, gainera, «borrokarekin jarraitzeko motibazioa» areagotuko duela uste du.

Araba Bizirik-en ekarpena

AHTari buruz hitz egiteaz gain, Araban egin nahi diren «beste energia berriztagarrien proiektuek —parke eoliko eta fotovoltaikoek, adibidez— izan dezaketen inpaktuaz» ere hitz egingo dute.

Finean, «bi gizarte dira, eta baliabideak ez dira berdinak», Araba Bizirik-eko kideak azaldu duenez, baina, ezberdintasunak ezberdintasun, antzeko balioak dituzte: «Garrantzitsua da harremana mantentzen jarraitzea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Julen Portillo, eskuinean, Joseba Argiñano sukaldaria ondoan duela, ETB1eko Sukalerria saioan. ©Julen Portillo

Euskara, sormenerako harribitxia eta aukera

June Romatet Ibarguren - Gipuzkoako Hitza

Sortzaile gazteak dira Julen Portillo zarauztarra, Andrea Gonzalez bergararra eta Maddi Etxeberria andoaindarra. Internet bihurtu dute euren gotorleku, eta han biluzten dute barrua, eguneroko kontuak bideo labur bihurtuta. Hasieratik argi eduki zuten hirurek: euskaraz sortuko zituzten edukiak. Bidea egiten ari dira.

Alberto Corral eta Iñigo Brull. ©Oskar Matxin Edesa / FOKU

«Azpikontratazio modua aldatu nahi dugu: salerosketa da hau»

Mikel Garcia Martikorena - Bizkaiko Hitza

Ekainetik protestan dabiltza Apnabi Bizkaiko autisten familien elkarteko langileek dituzten baldintzengatik. Aldundiarekin itundutako "salerosketa" eredua bukatzeko eskatzen dute, Alberto Corral eta Iñigo Brull langile batzordeko kideek diotenez.

 

Elantxobeko portua, artxiboko irudi batean. ©Marisol Ramirez / Foku

Urpekari bat hilda atera dute uretatik Elantxoben

Berria

10:00ak aldera atera dute gorpua, herritar batek abisua eman ostean. Ikerketa zabaldu du Ertzaintzak.

Suhiltzaile bat lanean, artxiboko irudi batean. ©Juan Carlos Ruiz / Foku

95 urteko gizon bat hil da Bilbon, bere etxeak su hartu eta gero

Berria

02:00ak aldera gertatu da ezbeharra. Gizona bizirik atera dute suhiltzaileek, baina ospitalean hil da.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.