Albistea entzun

Demokrazia Komunalaren Aldeko Nazioarteko Sarea aurkeztu dute

«Kapitalaren logikarekin eta zapalkuntza modu guztiak» amaitzeko erez aritu dira, Hernanin
Kongresuko hitzaldietako bat, atzo, Hernanin.
Kongresuko hitzaldietako bat, atzo, Hernanin. GORKA RUBIO / FOKU Tamaina handiagoan ikusi

Jone Arruabarrena -

2021eko urriak 17

Demokrazia Komunalaren Aldeko Nazioarteko Sarea aurkeztu zuten atzo Hernanin (Gipuzkoa), helburu argi batekin: «kapitalismo patriarkala» gainditu, eta «kapitalaren logikak eta zapalkuntza modu guztiak» amaitzea. Urriaren 13tik 16ra bitartean egin dute nazioarteko Demokrazia Komunalaren I. Kongresua, eta atzo aurkeztu zuten hemendik aurrerako jarduerarako oinarri izan nahi duen ehundura.

Bakea Duintasunarekin elkarteak eta EHU Euskal Herriko Unibertsitateko Parte Hartuz Gizarte Zientzietako ikerketa taldeak antolatu dute biltzarra, baina beste hainbat herrialdetako parte hartzaileak ere izan dira. Hain zuzen, Kurdistango, Argentinako, Brasilgo, Venezuelako, Italiako, Txileko eta Herrialde Katalanetako «espazio sozial eta politikoek» ere sustatu dute proiektua. Hiru egunetan, askotariko hitzaldi eta jarduerek osatu dute kongresua, eta mundu guztiko hizlarien parte hartzea izan dute: Silvia Federici, Raul Zibechi, Maite Arraiza, Dario Azzellini, Mirene Begiristain, Cira Pascual eta Oscar Garcia Jurado aritu dira, besteak beste.

Atzo arratsaldean egin zuten amaiera ekitaldia, eta bertan aurkeztu zuten demokrazia komunala sustatzeko nazioarteko sarea: «Artikulazio eta pilaketa politikoko gune hibrido» bat dela esan zuten: «Esparru soziopolitiko eta soziokultural desberdinen arteko sinergiak sortzeko gunea, elkarrizketan eta harremanetan jarriz gizartea».

Hala ere, argi daukate helburu hori lortzeko bidean ez direla hutsetik hasiko: «Kapitalaren aurkako indar kontrahegemonikoak, emantzipazio prozesuak planteatzen dituztenak, aktibo daude, baina koordinaziorik gabe». Ekitaldian adierazi zutenez, «hutsune bat» nabaritzen dute munduko erreferentzialtasunari dagokionez, eta «espazio politiko» horren gabeziak eragina du «indar emantzipatzaileek kapitalaren aldean duten gaitasun politikoan».

Demokrazia komunalaren tresna jarri dute mahai gainean hutsune hori betetzeko: «Tresna eta prozesu desberdinekin bete beharko da, dinamikoak eta irekiak izango direnak, baina, aldi berean, kapitalaren metabolismo sozialaren forma desberdinei hegemonia sinboliko, politiko eta materiala lehiatzeko behar bezain definituak eta unitarioak».

Zehazki, hiru zutabetan sostengatuko da luzatu duten proposamena: «Herri demokrazia, herrien erabateko subiranotasuna eta proposamen internazionalista». Gaineratu dute, guzti hori «logika komunal» batetik abiatuta gauzatu beharko dela.

Azaldu dutenez, bi mailatan gauzatzeko prozesua da: modu globalean alde batetik, eta maila nazionalean gero, «ekoizpen eta erreprodukzioaren subiranotasunaren oinarriak finkatzeko». Hala ere, zehaztu dute «nodo nazionalak» ez duela bat etorri behar estatuen mugekin, «kidetasun historikoaren, antropologikoaren, kulturalaren eta politikoaren arabera» definituko baita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Irisarriko eskolako gurasoen protesta, ekaina erditsuan ©Guillaume Fauveau

Euskarazko orduak emendatuko dituzte Irisarri, Barkoxe eta Larraineko eskoletan

Ekhi Erremundegi Beloki

Gurasoen mobilizazioen ondotik, hiru eskoletako proiektuak onartu ditu Frantziako Hezkuntza administrazioak

Zentro Sozialista hustu duteneko irudi bat, gaur. ©Gedar

Legutioko Zentro Sozialista hustera joan da Ertzaintza, eta bi lagun atxilotu ditu

Berria

Istiluak izan dira. Mugimenduko Sozialistako kideen esanetan, «hogei pertsona inguru» zauritu dituzte agenteek. Bi lagun atxilotu dituzte.

lGTBI komunitatearen harrotasun egunaren harira antolatutako manifestazioa, iaz, Iruñean ©Iñigo Uriz / Foku

LGTBI komunitatearen harrotasun egunarekin bat egin dute EAJk, EH Bilduk eta Ahal Duguk

Irati Urdalleta Lete

Zenbait eragilek manifestazioak antolatu dituzte gaur arratsalderako Hego Euskal Herriko lau hiriburuetan.

Eraso homofoboen aurkako manifestazio bat, Bilbon. ©ARITZ LOIOLA / FOKU

Genero autodeterminazioa ardatz duen lege proiektua onartu du Madrilek

Edurne Begiristain

Espainiako Ministroen Kontseiluak trans legea onetsi du. 16 urtetik gorakoek beren kabuz eskatu ahal izango dute sexu aipamena aldatzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...