BIRA

Bizilekuak

Miren Amuriza -

2018ko uztailak 29

Hementxe bizi gara, nor geure eraikin indibidualean: batzuenak garaiak dira, baxuagoak besteenak; batzuk multzoka daude, besteak banaka; erdigunekoak eta periferiakoak; estaliak eta estali bakoak; amama-aitita, izeko-osaba, gurasoengandik herentzian jasotako moldeekin asko, nork bere kontura altxatu, atondu, dekoratutakoekin gehienak. Hor, esaterako, udarako bakarrik bertaratzen den lagun bat bizi da; ekainetik irailera ondo-ondo zainduta edukitzen du, baina neguan erabat abandonatuta. Aldiz, beste horretako habitantea, urte askotarako hipotekatu zen gaztetan; egunean hiru tabako pakete erretzen ei zituen! Hau luzaroan ibili zen sarkin gogaikarri bat beretik bota ezinik eta beste hori desjabetu egingo zuten ingurukoak mobilizatu izan izan ez balira: ezezagun batekin ezkontzera behartu gura izan zuten... Honenak agerian du urtetxo batzuk dituena eta, halere, enkantu itzela dauka bere horma arrakalatu eta teilatu zuri. Beste horrena ezagutu ere ez egiteko moduan dago zaharberritu zuenetik. Eta hango hark... Hango hark zenbatetan ez ote zuen entzungo ez zegokion lekuan jaio zela; ordea, arazoa, bere habitatzeko manera bainoago, bizilagunen ikuskera izan. Honenak euskarri bat falta du, harenari orbainak agertu zaizkio fatxadan... Hementxe, aldizka konpartitzen ditugun eraikin indibidualetan; hementxe bizi gara, nor geure gorputzean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea maskararekin, Hendaiako tren geltokian. / ©Guillaume Fauveau

Leku publiko itxietan maskara erabiltzea baitezpadakoa izanen da Ipar Euskal Herrian

Ekhi Erremundegi Beloki

Jean Castex Frantziako lehen ministroak adierazi du heldu den astetik aitzina sartuko dela indarrean neurria Frantzian eta Ipar Euskal Herrian. Frantzia iparraldean eta Paris ingurunean foku gehiago agertu dira azken asteetan.

Nekane Murga jarduneko Osasun sailburua agerraldi batean. ©David Aguilar

80 kasu gehiago agertu dira Hego Euskal Herrian

Andoni Rekondo Izagirre - Joxerra Senar

Azken 24 ordutan 58 kasu agertu dira Araban, Bizkaian eta Gipuzkoan, eta beste 22  Nafarroan. Beste pertsona bat hil da COVID-19aren ondorioz

Iruñeko Carlos III etorbidean, jendea maskara eramanez. Erabilera orokortzen ari bada ere, joera hori areagotzea bilatzen du administrazioak. / ©IÑIGO URIZ /FOKU

Kalean ere, maskararekin

Joxerra Senar

Maskara erabili behar da toki irekietan eta itxietan: gaurtik aurrera Araban, Bizkaian eta Gipuzkoan; bihartik Nafarroan. Hegoaldean, 80 kasu agertu dira, eta birusaren aurrean erne egotera dei egin dute.

Herritar bat maskara jantzita duela, artxiboko irudian. ©Luis Jauregialtzo, FOKU

Larunbatetik aitzinera maskara derrigorrezkoa izango da Trebiñun

Ainhoa Larretxea Agirre

Sei urtetik gorako herritarrek derrigorrez erabili beharko dute maskara leku ireki zein itxietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna