Albistea entzun

Gerra Ukrainan

Ukrainako tropak Sievierodonetsketik «erretiratuko» dira, Kieven esanetan

Errusiari hiria guztiz hartzea falta zaio Luhansk oblasta oso-osorik kontrolpean edukitzeko
Ukrainako soldaduak, Sievierodonetsk hiritik gertu.
Ukrainako soldaduak, Sievierodonetsk hiritik gertu. OLEKSANDR RATUSHNIAK / EFE Tamaina handiagoan ikusi

Mikel O. Iribar -

2022ko ekainak 25

Ukrainako agintariek Sievierodonetsk hiri estrategikotik (Luhansk oblasta) «erretiratzeko» agindu zieten atzo euren soldaduei. «Hildakoen kopurua handituz doa. Ez du zentzurik hemen geratzeak», esan zuen Serhiy Haidai Luhanskeko Eskualde Administrazioko buruak. Donbass eskualdean dagoen hiri hori gudu zelai bilakatu da azken asteotan; izan ere, Errusiari Sievierodonetsk guztiz hartzea falta zaio Luhansk probintzia oso-osorik kontrolpean edukitzeko. Bada, itxura guztien arabera, Errusiako armadak hiria erabat okupatuko du aurki.

Sievierodonetskeko Azot lantegi kimikoan gotortuta dauden bostehun bat zibilen inguruan —Ukrainak emandako datua da—, berriz, Kievek ez zuen deus esan. Kremlinen ustez, Ukrainako 2.500 soldadu eta boluntario daude Azoten zibilekin batera.

Kieven arabera, Errusiako soldaduak Lisitxanskera doaz orain, hegoaldetik, Zolote eta Toxkivka herrietatik barrena. Halaber, Moskuk Mikolaivka eta Lisitxansk herriak kontrolpean hartu dituela baieztatu zuen Luhanskeko gobernadoreak, Reuters agentziak jasotakoaren arabera.

Errusiak oldarraldiekin jarraitzen du Ukraina ekialdeko Donetsk eta Luhansk eskualdeen erabateko kontrola lortzeko, eta, gisa horretara, lehorreko korridore bat osatzeko Donbasstik Krimeara. Kievek atzo salatu zuenez, Ukrainak Itsaso Beltzaren ipar-mendebaldean dituen nabigazio ibilbideak «blokeatzeko» asmoa du Kremlinek.

Moskuren kontrolpean dagoen Kherson hirian (hegoaldea), Kremlinek salatu zuen bere aldeko funtzionario bat hil zela atzo «atentatu batean, bonba-auto bat lehertu ostean».

Bestalde, Errusiako Atzerri Ministerioak atzo AEBei egotzi zien Lituania Kaliningradeko salgaien pasabidearen blokeoaren «atzean» egotea. Vilniusek galarazi egin zuen Europako Batasunaren zigor sortaren barruan dauden salgaien merkantziak bere lurraldetik Kaliningradera trenbidez igarotzea. Moskuk Lituaniari ohartarazi dio «ondorio larriak» jasango dituela.

Arma gehiago Ukrainari

AEBek 425 milioi euroren armaz hornituko dute Ukraina: hamahirugarren laguntza militarra da Errusiak otsailaren 24an Ukrainan erasoaldia hasi zuenetik. Arma sorta horretan, besteak beste, HIMARS misilak jaurtitzeko sistema gehiago daude, baita milaka munizio ere. Guztira, 5.790 milioi eurokoa da Washingtonek Kievi egindako ekarpen militarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Langile bat atseden hartzen Butxako hilerrian, Kiev iparraldean. Dozenaka hilotz agertu ziren hirian, Errusiako tropak erretiratu ostean. ©ROMAN PILIPEY / EFE

Errusiaren azpiegitura militarretatik urruntzeko eskatu die Kievek herritarrei

Arantxa Elizegi Egilegor

Erdoganekin eta Zelenskirekin bilduko da gaur NBEko idazkari nagusia Lviven. Moskuk ohartarazi du IAEAren misioak ezin duela desmilitarizazioa agindu
Pakistango herritarrak, montzoi garaiko euriteen ondorioz urak hartutako kaleetan, Karachin. ©XAHZAIB AKBER / EFE

Pakistanen gutxienez 635 lagun hil dira montzoi sasoiko uholdeetan

Gorka Berasategi Otamendi

Balutxistanen aurreko urteetan egin duen euria halako hiru bota du. Milioi bat lagun daude elikadura segurtasunik ezan gelditzeko zorian
Hainbbat militar Perko Amazonian, legez kanpoko lurreratze pista bat desegiteko operazio baean, artxiboko argazki batean. / ©Sebastian Montalvo Gray, EFE

Sendero Luminosoko hainbat kide hil ditu Peruko armadak

Arantxa Elizegi Egilegor

Taldeko buru Victor Quispe Palominok ihes egitea lortu du, baina militarrek uste dute zaurituta dagoela.

Saudi Arabiako Mohammed bin Salman printzea Joe Biden AEBetako presidentearekin ©BANDAR ALJALOUD HANDOUT / EFE

Emakume saudiarabiar bati 34 urteko espetxe zigorra ezarri diote Twitterren duen jardunagatik

Lide Egizala Urteaga

Salma al-Xehab izena du, eta bere delitua izan da Palestinako eta Yemengo herrien abertzaletasuna babestu eta emakumeen eskubideen alde agertzea. Saudi Arabiak emakumeen eskubideak defendatzen dituen ekintzaile bati ezarri dion kondenarik luzeena da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.