Albistea entzun

Iñigo Martinez de Albornoz. Mendiko eskiatzailea

«Txapelketetan behar izaten den zortea falta izan zait»

U. UGARTEMENDIA Tamaina handiagoan ikusi

Unai Ugartemendia -

2021eko martxoak 9

Prestakuntza ona egin du Iñigo Martinez de Albornozek (Donostia, 1996), baina emaitzak ez dira esperotakoak izan.

Hiru probatan hartu duzu parte. Zer balorazio egiten duzu?

Nire helburuak esprintak eta erreleboak ziren. Fisikoki bikain iritsi nintzen; bi probak ondo prestatuta neramatzan, eta orain dela bi urte esprintean lortu genuen bigarren postua berdintzea zen nire helburua. Azkenean, ez nituen nire helburuak bete.

Zure espezialitatea da, baina oso zorte txarra izan zenuen.

Bai, baina esprintak horrela dira. Oso indartsu sentitzen nintzen, gogotsu, baina emaitzak oso aldakorrak izaten dira. Aurtengo denboraldian Munduko Kopan jokatu diren lau esprintak lau eskiatzailek irabazi dituzte. Diziplina honetan, hutsegiterik txikiena ere oso garesti ordaintzen da, eta faktore askoren menpe egoten gara. Fisikoki ondo egotea ezinbestekoa da, baina aldaketak egitean ez bazara fin ibiltzen, fisikoak ez du ezertarako balio. Lehen fasea igaro ondoren bigarren postuan nindoan, eta, finalerdietarako sailkatzeko aukera ia ziurtatuta nuenean, aldaketa batean, irabazlea izan zen suitzarrak eskia zapaldu zidan. Han galdu nituen aukera guztiak. Oraindik ere ezin dut amorrua burutik kendu!

Kirol honen edertasuna hori da: ezin dela hutsik egin.

Bai, hala da. Lasterketa bukatuta, oso izorratuta nengoen. Zirkuitua nire gustukoa zen, eta bigarren nindoan irabazlearen atzetik. Ez nuen arriskuan ikusten lasterketa, baina ez nintzen sailkatu. Ez diot buelta gehiago eman nahi.

Erreleboen lehen erdian, erakustaldia eman zenuen ibilbidearen zati askotan. Amaieran, luzeegi egin al zitzaizun ibilbidea?

Taldean aipatzen genuen guretzako oso ibilbide luzea zela; gu ibilbide motzagoetara ohituta gaude. Indarrak ondo neurtu behar genituela esaten genion batak besteari. Nahiko atzean hasi nintzen nire erreleboan, baina, aldaketa bikain baten ostean, bigarren postuan jarri nintzen. Hurrengo aldaketa ere ona egin nuen, baina minutuak aurrera joan ahala, nekea pilatu nuen. Amaiera oso luzea egin zitzaidan. Helmugan, bosgarren amaitu genuen, helburutik oso urruti.

Azken eguneko banakakora oso nekatuta iritsi zinen.

Hustuta nengoen! Hoztu ere egin nintzen erreleboen ostean, eta ibilbideak azken orduan izan zituen aldaketek ez zidaten batere mesederik egin. Burua ez nuen lasterketan, eta, nire asmoa lehen hogeita hamarretan sartzea bazen ere, azkenean sei postu atzerago amaitu nuen. Txapelketa amaitzeko desiratzen nengoen.

Zer asmo duzu denboraldi amaierarako?

Martxoaren 20an eta 21ean Candanchun [Aragoi, Espainia] jokatuko diren bi probatan parte hartuko dut: esprintetako eta bikotekako Espainiako txapelketak. Ondoren, Madonna di Campligiora [Italia] joango naiz, Munduko Kopako azken probara. Ibilbidea ez da nire gaitasunentzat onena, korrikako eremua luzea delako, baina esprintetan bederatzigarren postuan nago sailkapen orokorrean, eta, ahal bada, postua defendatu nahiko nuke.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Filippo Ganna, maglia arrosa jantzita, gaur, Turinen. ©Giro

Bere legea ezarri du Gannak

Iñigo Lasa

Ineos taldeko txirrindulari italiarrak irabazi du Giroko lehen etapa, zortzi kilometroko erlojupekoa, eta maglia arrosa jantzi du. Faboritoen artean, Bardet bakarrik izan du atzetik Landa

Alaveseko jokalariak, Joseluk sartutako binakoa ospatzen. ©Jaizki Fontaneda / Foku

Puntu bat gertuago du helburua

Eñaut Agirrebengoa

Alavesek berdinketa lortu du Levanteren aurka, sufrituta, Joseluk azken unean sartutako gol bati esker. Aurretik jarri da lehen zatian, baina alferrik galdu du abantaila

 ©RAUL BOGAJO / FOKU

«Mikelekin irabazi nahi dugu Giroa; bera da kapitaina»

Eñaut Agirrebengoa

Gaur hasiko da Italiako Giroa, Turinen, eta konfiantzaz helduko dio Bilbaok. Mikel Landarentzat egingo du lan, bere aukerak erabat baztertu gabe: hasieran, bederen, aurrean egon nahi du.
Realeko hainbat jokalari Aritz Elustondok sartu zuen gola ospatzen, atzo, Anoetan. ©JON URBE / FOKU

Klarionaren puntuak

Jon Ander De la Hoz

Realak Elx garaitu du, eta bosgarren postuari lotu da. Jokalari bat gehiagorekin arituta, bigarren zatian lortu ditu partidako bi golak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna