Albistea entzun

Montefuscoren katarsia

Standstill taldeko abeslari izandakoak bakarkako hirugarren diskoa kaleratuko du bi aste barru: 'Viaje al centro de un idiota'. MAZ jaialdian ariko da larunbatean, Basaurin.
Enric Montefusco abeslari eta musikaria.
Enric Montefusco abeslari eta musikaria. GUSTAFF CHOOS Tamaina handiagoan ikusi

Aitor Biain -

2022ko azaroak 6

Ia hogei urteko bidea egin zuen Enric Montefusco musikari kataluniarrak Standstill musika taldearekin. Hastapenetan hardcore doinuetatik abiatu, eta, urteekin, taldeak sona lortu zuen indie rock edo rock alternatiboaren eszenan. Katalunian ez ezik, Europan ere entzule asko erakarri zituen. 2015ean, baina, taldeak iragarri zuen geldialdi mugagabe bat egingo zuela, eta kide bakoitzak bere bideari ekin zion. Denek jarraitu zuten musikari lotuta, hala ere: Ricky Falknerrek, esaterako, Egon Soda taldea sortu zuen, eta, egun, indie panoramako ekoizlerik ezagunenetako bat ere bada —Berri Txarrak-ekin eta Niña Coyote eta Chica Torndorekin lan egin du—; Montefuscok, ordea, goitik behera azalberritzea eta bakarkako bideari ekitea erabaki zuen.

Standstillek azken kontzertua eman eta urtebetera argitaratu zuen abeslariak estreinako diskoa: Meridiana (2016). Hiru urtera kaleratu zuen Diagonal (2019), eta orain aterako du hirugarren lana: Viaje al centro de un idiota. Azaroaren 18an argitaratuko da diskoa. Musika agerkari espezializatuen arabera, aurreko bi diskoen segidatzat har daiteke lan berria, sentimenduz, barrura begirako ahots sakonez eta doinu minimalistez beteta egongo baita hura ere. Hala iradokitzen du Bendito aurrerapen kantuak ere.

Disko bikoitza izango da: Infierno jarri dio izena ataletako bati, eta Purgatorio besteari. Nortasuna, moralaren eta arrazoiaren galera eta beste hainbat gai jorratuko ditu kantuetan, soinu elektroniko, minimalista eta hitz kantatu edo spoken word delakoen bidez. Edonola ere,Viaje al centro de un idiota ez da disko soil bat; musikaren muga oro gainditzen du. Hiru adar ditu: musika, antzerkia eta ikus-entzunezkoak. Izan ere, askotariko diziplinak uztartzen dituen ikuskizuna ondu du Montefuscok, eta haren soinu banda performancetik diskora eraman du.

Datorren larunbatean, Basauriko (Bizkaia) MAZ musika jaialdian aurkeztuko du lana, taldea lagun duela. Montefuscorekin batera, jaialdian parte hartuko dute Nacho Vegasek, Zaharak, eta Full Cab taldeak ere, besteak beste.

MAZ MUSIKA JAIALDIA
Noiz. Azaroaren 12an, larunbatean, 21:00etan.
Non. Social antzokian, Basaurin (Bizkaia).
Sarrerak. Aurrez eskuragarri www.mazbasauri.com-en (12€), eta leihatilan (15€).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...