Albistea entzun

'Ehiza' filmari eman diote Lekeitioko Urrezko Antzara

Lanaren ausardia goratu dute 43. Zine Bilerako epaimahaikideek. Zuzendaritza onenaren saria Aitor Mendilibarrek eta Ibon Goikok jaso dute
<em>Ehiza</em> animazio film laburraren fotograma bat.
Ehiza animazio film laburraren fotograma bat. HAUAZKENA TALDEA Tamaina handiagoan ikusi

Amagoia Gurrutxaga Uranga -

2020ko azaroak 29

Hauazkena Taldearen Ehiza animazio lanak irabazi du Lekeitioko (Bizkaia) 43. Zine Bileraren Urrezko Antzara. Bego Vicario, Ruth Escobar, Jugatx Astorkia, Miriam Inza, Angela Jurado, Oihana Leunda, Arrate Lopez Apellaniz, Naiara Mallabia, Andere Molinuevo, Uxue Reinoso eta Roberto Zabarte dira Hauazkena kolektiboko kideak, eta Vicariok egiten ditu koordinatzaile lanak. Rafael Ruiz Balerdi artistaren Tarzani omenaldia (1969) animazio film laburraren segida gisa sortu dute Ehiza, eta, Aitor Oñederra, Erika Olaizola eta Mikel Rueda epaimahaikideen ustez, «proposamen ausarta eta animazio lan ikusgarria» da emaitza, «rotoskopia teknika maisuki erabiltzen duena eta film osoan erritmo bikaina mantentzen duena». 1.900 euro jasoko dituzte sariagatik.

Zuzendari onenari dagokion Zilarrezko Antzara eta sariaren 1.600 euroak, berriz, Aitor Mendilibarrentzat eta Ibon Goikorentzat izan da, Irten barrura filmean egin duten lanagatik. Gidoi onenaren Zilarrezko Antzara eta 1.600 euroak Imanol G. Gurrutxagari eman diote, Nigandik filmagatik. Ikusleek astean zehar emandako botoei esker, gainera, EITB Ikusleen sariduna ere gertatu da Gurrutxagaren lana, eta 750 euro jasoko ditu sari horregatik. Azkenik, epaimahaiak aipamen berezia egin dio Ekain Albiteren Haizearen egia filmari, «saharar eta euskal kulturen arteko talka hain ondo azaltzeagatik».

Gaigne, omendua

Hemeretzi film labur lehiatu dira aurten Lekeitioko Zine Bileran, eta sariak banatzeko ekitaldia atzo egin zuten, 19:30ean. Pascal Gaigne musikaria omendu zuten, gainera.

Gaur, Zine Bilerari amaiera emateko, lan saritu guztiak ikusi ahalko dira, 19:00etatik aurrera. Horren aurretik, 16:00etan, Zinegin, Zinelab-EQZE, (H)emen eta Euskal Zine Bilerako ordezkariek solasaldia hasiko dute; 17:00etan, Urtzi Urkizu BERRIAko kazetariak Euskal gatazka euskal zinemagintzan izango du hizpide.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Izaskun Igoa Jaimerena idazlea, <em>Hotza bazkatzen</em> bere olerki liburu berria esku artean duela. ©GORKA RUBIO / FOKU

Barne kezkei galdera marka

Miren Mujika Telleria

Donostia Kultura saria irabazita, 'Hotza bazkatzen' olerki liburua argitaratu du Izaskun Igoak

Iñaki Martiarena 'Mattin', Beñardo Goietxe eta Andoni Tolosa 'Morau'. ©Maialen Andres / Foku

Morauk eta Beñardok 'Ardo' disko-liburua kaleratu dute

Mikel Lizarralde

Poesia, kantua eta ilustrazioa biltzen dituen «artefaktua» da, eta azaldu dutenez, ardoa hari hartuta, «pertsonen apologia» egin dute. Mattinen ilustrazioek osatu dute proiektua.

Andy Fletcher, 2013an, Budapesten. ©BALAZS MOHAI / EFE

Andy Fletcher Depeche Mode taldeko kidea hil da

Mikel Lizarralde

Taldearen sortzaileetako bat izan da, eta 60 urterekin zendu da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...