Albistea entzun

Koronabirusa

Maskaren erabilerak gora egin du araua ezarritakoan

Hirietan maskarak ikustea ohikoagoa da, baina ,arauarekin, herrietan ere gora egin du erabilerak. Herritarren ustez, araua «errespetatzen» ari dira.
Herritarrak maskara jantzita dabiltza kalean; esate baterako, Bilbon.
Herritarrak maskara jantzita dabiltza kalean; esate baterako, Bilbon. MARISOL RAMIREZ / FOKU Tamaina handiagoan ikusi

Maialen Arteaga-Amaia Ramirez de Okariz Kortabarria -

2020ko uztailak 17 - Bilbo-Antzuola

Nekez ikus zitekeen irribarre txikiren bat atzo Bizkaiko hiriburuko kaleetan. Kafe bat hartzen ari zenari, akaso, ezkutuko irribarreren bat harrapatzea posible zen, tarteka bazen ere. Kale bete jende, kale bete maskara. Hiriak azkar onartu du Eusko Jaurlaritzak ezarritako arau berria. Badirudi Bilboko kaleek eguraldia iragartzen duten sateliteen gisara aurreikusten zutela maskaren erabilera. Eusko Legebiltzarreko hauteskundeak pasatu dira, eta maskararen derrigorrezko erabilerak irribarre eta aho guztiak estali ditu, baina ez ahotsak.

Jabier Barandiaran gazte bilbotarra Areatza plazan dago. Maskarapeko ahotsak argi dio arau berria «beharrezkoa» dela: «Azken batean, pandemia baten erdian gaude. Ez da babestuko gaituen txertorik atera oraingoz; beraz, beharrezkoa da gure artean babestea». Maskaren ohiturak aipatutakoan, aurpegiak irribarre baten antza hartu dio, begiak ertzetatik itxiz: «Egia da orain arte ez dudala beti soinean eraman», azaldu du Barandiaranek, baina gehitu du jende pilaketak egoten zirenean «beti» jantzi duela. Argi dauka araua beharrezkoa dela, baina mesfidantzaz ikusten du hauteskundeen ostean ezarri izana: «Hauteskundeen ostean oihartzun handiagoa izan du komunikabideetan. Lehen dena ondo zegoela saldu nahi ziguten, baina orain ez da horrela».

Luis Angel Castresana eta Jose Mari Amantes kafe baten bueltan bildu dira. Kafea edan bitartean ez dute maskararik jantzi behar izan, baina solasaldirako janztea erabaki dute. «Niretzat ez da oso erosoa, baina kontzientziatu behar dugu. Bilbon mundu guztia dago maskararekin. Jendeak kontzientzia du hemen», azaldu du Amantesek. Isunen inguruan ere hitz egin dute: «Derrigortzen ez bagaituzte, ez dugu jartzen, eta hau ez da txikikerietarako kontu bat», adierazi du Castresanak. Laguna ados dago, baina uste du egoera batzuetan «malgutasuna» izan beharko luketela.

Mesfidati bada ere, Bilboko auzoak eta kaleak maskaraz jantzi dira gaurkoan; irribarreak ezkutatu dituzte, baina ahotsek ez dute zigarro eta kafeen beharrik kaleak hartzeko.

Herrietan bada aldea

Herriko jaiak hastear egongo lirateke ostegun honetan Antzuolan (Gipuzkoa), baina maskarek hartu dute festetako zapien lekukoa. Egun batetik bestera, erabat aldatu da herri horretako giroa maskarari dagokionez. Egun bakar batean, herritar gehienek erabiltzen dute. Badirudi arau bat ezartzea batzuetan aski dela maskaren erabilera aldatzeko. Eta zigor bat, isun bat maskara ez erabiltzeagatik.

Kalebarren plazaren alboan dagoen taberna batean dago Ibai Zabalo, eta adierazi du erabilera «nabarmen» igo dela, aurrez ia inork erabiltzen ez zuela gaineratuta. Haren arabera, herri txikia da, eta baliteke herritarrak beste leku batzuetan baino lasaiago egotea, baina erantsi du araua errespetatzen ari dela jendea. Kezka ere badu: «Ikusi egin beharko da zer gertatzen den jendea erlaxatzen hastean denean».

Ane Lizarralde ere kalean dago, maskara jantzita. Hark ere orain arteko egoera izan du gogoan: «Esango nuke araua ezarri aurretik maskara janzteak lotsa ematen zuela, denok ezagutzen baitugu elkar». Zabalok esan bezala, uste du herritarrak ere lasaiago daudela herri txiki bat izanda, baina ez zaio zentzuzkoa iruditzen: «Jendez inguratuta egon ohi gara berdin-berdin». Hala ere, espero du arau honekin jendeak egunerokoan maskara erabiltzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sandra Barkaiztegi eta Olatz Mercader, atzo egin zuten agerraldian, Onkologikoaren aurrean. ©ANDONI CANELLADA / FOKU

Arta «integralaren» eskean

Arantxa Iraola

Onkologikoko pazienteek eratutako elkarte bat plazara atera da; kezkatuta daude zentroan gaixoen arretak izan duen «bilakaeraz». Manifestazio bat egingo dute langileekin batera, hilaren 15ean
Euskararen Egunaren harira Elgoibarren 2015ean eginiko egitasmo bat. ©BARREN.EUS

Aterki bat euskaltzaletasunari

Julen Aperribai

Euskara elkarteen baturatik sortu bazen ere, mugimendu izaera hartu zuen Euskaltzaleen Topaguneak 2012an. 25. urteurrena ospatuko du gaur Donostian, gaurko erronketan begia jarrita

45 minututik bost ordura

A. Iraola

Olatz Mercaderrek berriki jaso du arta Onkologikoan; ama 2012an zendu zitzaion, han arta jasota. Alde argiak ikusi ditu, pazienteen arreta egokiaren kalterako.
Emun kooperatibaren 25. urteurrenaren ekitaldia, atzo, Arrasaten. ©JON URBE / FOKU

Emun, 25 urte eraldaketan

Irati Urdalleta Lete

Emun kooperatibak 25. urteurreneko ekitaldia egin du Arrasaten. Eraldaketaren beharraz aritu dira, eta hura bizi edo eragin duten zenbait pertsonaren esperientziak bildu dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...