Albistea entzun

Koronabirusa. ZIENTZIA PENTSALDIAN

Hidroxiklorokina

Miren Basaras Ibarzabal - EHUko Mikrobiologiako irakasle titularra

2020ko maiatzak 31

CCOVID-19 gaixotasunaren kontrako botika espezifikoen eskasiagatik, hasierako egunetatik hasi ziren merkatuan dauden hainbat konposatu probatzen. Hori dela eta, Osasunaren Mundu Erakundeak eta nazioarteko hainbat herrialdek martxoaren 18an Solidarity Trial programa ezarri zuten martxan. Horren helburua zen modu arinean frogatzea ezagunak ziren medikamentu batzuek gaixotasun berri horren kontra izan zezaketen eragina. Gaixotasun berri baterako jadanik onartutako sendagai bat erabiltzeko prozesu horri birposizionatzea deritzo.

Programa horretan bilatu nahi zuten erabilitako sendagaiek hilkortasuna jaitsi, ospitaleko egonaldia gutxitu edo gaixotasunaren arriskua arintzen ote zuten. Azterketaren helburua zen zer sendagaik funtzionatzen duten jakiteko froga zientifiko sendoak sortzeko behar den denbora laburtzea pentsatu behar da batzuetan zortzi edo hamar urte artean behar direla froga horiek lortu ahal izateko. Horrela, printzipalki lau sendagai probatzen hasi ziren: Remdesivir antibirala, Lopinavir/ritonavir antiretrobiral elkartea bakarrik edo beta-interferonarekin batera, eta hidroxiklorokina antipaludikoa.

Hidroxiklorokina izeneko antipaludikoa malariaren edo paludismoaren kontra erabiltzen den sendagaia da, eta artritis erreumatoidearen eta lupusaren tratamenduan hantura murrizteko ere erabiltzen da. Didier Raoult birologo frantsesak, martxoaren hasieran egin zuen behaketa azterketa batean, ikusi zuen paziente batzuetan seitan, konkretuki sendagai hau erabilita gaixotasunaren hobekuntza zegoela. Ikerketa honek hainbat akats metodologiko zituen, eta, gainera, ez zuen ospitalizazioaren iraupenari buruzko daturik jasotzen, ezta heriotza tasarenik ere. Zientzialari askok kritikatu zituzten emaitzak, baina, hala eta guztiz ere, basamortu terapeutiko bateko egoera berri honetan, erabiltzen jarraitu zuten. Sinestezina izanik ere, Trump bera prebentzio moduan hasi zen hidroxiklorokina hartzen.

Azken astean Lancet aldizkari medikoan argitaratutako lan batean argi eta garbi adierazten da botika hau oso kaltegarria dela. Sei kontinentetako seiehun ospitaletan baino gehiagotan ia ehun mila pertsonatan egindako azterketa da: horietako batzuk botikarekin tratatuak izan ziren, eta beste batzuek kontrol moduan jokatu dute, hau da, tratamendurik hartu gabe. Botika honekin tratatuak izan ziren gaixoek hilkortasun tasa altuagoa zuten tratatu gabekoekin konparatuta. Are gehiago, hidroxiklorokinaren tratamenduak bihotzeko arritmia larrien ehunekoa igo egin zuen ospitaleratutako pazienteetan.

COVID-19 gaixotasunaren aurka sendagai eraginkorrak bilatzea ezinbestekoa da, baina, aldi berean, horiek seguruak izan behar dute, derrigorrez. Batzuetan, arinegi joateak, ikerketa eskas batek ematen dituen emaitzak ikusita, arazo oso larriak bultza ditzake. Zientziak hitz egin behar du, eta medikuntzaren funtsezko printzipio bat da «lehenik eta behin kalterik ez egitea». Horregatik, saiakuntza klinikoak egitea eta horien emaitzen ondorioz tratamenduak ezartzea ezinbestekoa da. Komunikabideek ere, edozein emaitza kaleratzeko orduan, tentuz ibili beharko lukete, eta esperantza faltsurik ez emateko ardura ere badute, fidagarritasun neurriei erreparatuz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Larunbateko manifestazioaren balorazioa egin du Euskara Aurrrera-k. ©Jon Urbe / FOKU

Euskararen aldeko «olatu berri bat» altxatzera deitu du Euskara Aurrera-k

Oihane Puertas Ramirez

Antolatzaileen arabera, dinamikak izan duen harrera «ona baino hobea» izan da, eta nabarmendu dute euskalduntzean urratsak egiten jarraituko dutela. Besteak beste, egungo garaira egokitutako hizkuntza politika berriak exijitu dizkiete administrazio publikoei.

Europan hazi eta saldutako frutan %53 areagotu dira pestizidarik arriskutsuenen trazak azken 9 urteotan

Edu Lartzanguren

Azterturiko gerezien erdia kutsatuta dagoela aurkitu dute ia hamarkada batez eginiko ikerketan. Europako Batzordearen eta EBko estatu kideen «erabateko porrota» salatu dute, EBko arauak ezartzeko eta kontsumitzaileak babesteko orduan.

Paziente batek gordetako <em>blister</em> edo pilula zorroak; ezkerrekoan argia da haurdunentzako ohartarazpena; eskuinekoa, berriz, abisu hori jartzen hasi aurrekoa da. ©BERRIA

Depakineren «egia» argitu arte

Arantxa Iraola

Botika bat hartzeagatik azido balproikoaren sindromedun seme-alabak izan zituzten zenbait andrek dena prest dute auzitara jotzeko. Espainiako justiziak epai bat eman du Sanofi botika etxearen aurka

«Sanofik erabaki zuen irabaziak lortzen jarraitzea»

«Sanofik erabaki zuen irabaziak lortzen jarraitzea»

Arantxa Iraola

Sanofiren aurka auzibideak martxan dituzten familien kasuak daramatza Ignacio Martinez abokatuak. Botika konpainia handia da, eta aski zaila dela aitortu du: desorekatua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...