BIRA

Ze nezesidade?

Miren Amuriza -

2018ko uztailak 22

Koherentzia atake batek eman zigun lehengoan lagun bati eta bioi eta zera erabaki genuen: arratsalde hartan inor ez epaitzea (biotakoren bat jausten bazen, afaria ordaindu beharko zion besteari). Total, Bilboko Gran Vian behera goazela, non gurutzatzen garen berdin-berdin jantzita zihoan bikote hipster batekin: han zetozen, elkarri lepotik heldu-heldu eginda, beren zapatila zuri, bakero nasai, alkandora estanpatu eta kapelatxo (Hego Korean, Japonian, Txinan... tendentzia hedatua ei da hau; jendaurreko maitasun adierazpenak txarto ikusita daudenez, berorien ordezkotzat baliatzen dute bikote gazteek). Listua irentsi nuen.

Ikusiak nituen lehenengo pertsona pluralean berba egiteko, elkarren keinuak imitatzeko, estiloko arropa eroateko joera duten bikoteak; gure kuadrillan esan ohi dugun moduan, Gotrunks efektua performatzen dutenak (Dragoi Bolako pertsonaia bi ziren Goten eta Trunks, izaki bakarrean fusionatzen zirenak). Ordea, halako batasun estetikorik egundo ikusi bakoa nintzen: ager diezaiogun munduari janzkera, ibilera, sentiera, pentsaera bera dugula, maitea. Masailak puzten-puzten ari zitzaizkidala jabetu nintzen orduan: eutsi, neska, eutsi... Ordea, hantxe, Pull&Bear-eko aldageletan selfie-ak ateratzen imajinatu nituen gazte haiek biak eta, azkenean, ihes egin zidan: ze nezesidade? Afaria ordaindu behar izan nuen, noski.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna