Albistea entzun

Eten egin dituzte desagertuta dagoen mendizalea bilatzeko lanak

Euri jasa bortitzak dituzte Parlitobelgo arroilan, eta arriskuan jartzen ditu erreskate taldeko kideak
Suhiltzaileak, Girewald lakuan. Erreskate taldeko kideak inguru hori ari dira miatzen.
Suhiltzaileak, Girewald lakuan. Erreskate taldeko kideak inguru hori ari dira miatzen. GIAN EHRENZELLER / EFE Tamaina handiagoan ikusi

Andoni Rekondo Izagirre -

2020ko abuztuak 15

Atzo goizean eten egin behar izan zituzten berriro Suitzako Alpeetako Parlitobelgo arroilan desagertutako mendizalea bilatzeko lanak. Arroila oso arriskutsua da euria egiten duenean; etenik gabe ari du, eta bertan behera utzi dituzte lanak, erreskate taldeko kideen segurtasuna bermatu ahal izateko. Asteazken arratsaldetik bilaketa lanak martxan egon diren arren, oraindik ez dago Diego Maeztu mendizale nafarraren arrastorik.

Lau mendizaleek esperientzia handia zuten arroila jaitsieran, eta munduan zehar ibiliak ziren horretan. Poliziek, suhiltzaileek eta adituek adierazi dutenez, asteazkenean ezustean harrapatu zituen ekaitzak. Parlitobelgo arroila ez da bereziki teknikoa, ezta luzea ere. Arriskua sortzeko moduko aldagai bakarra euria da. Suitzako Alpeen gisako mendi altuetan ohikoa izaten da une batetik bestera eguraldia guztiz aldatzea. Kasu honetan, aurreikusi gabekoa bezain bortitza izan zen ekaitza. Erreskate taldeko kideek azaldu dutenez, ibilbideko ainguraketak ere askatu zituen urak, une hartan zekarren indarraren erakusgarri. Izan ere, nabarmendu dute oso kasu gutxitan askatzen direla. Euri jasa hasi zenean —30 litro metro koadroko—, nabarmen hazi zen arroilako ur kantitatea denbora tarte laburrean, eta, hori ikusirik, lau mendizaleek ez zuten erreakziorako aukerarik eduki. Gainera, harriak, adarrak eta arroilan zeuden bestelako materialak gehituta, indar handiagoa hartu zuen urak.

Hiru mendizaleren gorpuak arroila amaitzen den lakuaren inguruan topatu zituzten, eta inguru horiek miatzen ari dira laugarren mendizalea aurkitzeko. Hala ere, bilaketa lanak berriro martxan jartzeko, plangintza aldatzea erabaki dute. Florian Schneider Poliziaren bozeramaileak adierazi duenez, bilatzen segitzeko eta taldeko kideen segurtasuna bermatu ahal izateko, talde txikietan antolatuko dira.

Dolua herrietan

Allo eta Uharte Arakilgo (Nafarroa) udalek babesa eta laguntza eskaini dizkiete mendizaleen senide eta lagunei, eta Nafarroako Gobernuari adierazi diote behar duten guztian laguntzeko prest daudela. Bestalde, Susana Castanera Alloko alkateak adierazi du desagertutako mendizalea topatzeko esperantzari eusten diotela, eta zazpi eguneko dolu aldia ezarri dute herrian. Gueñesko (Bizkaia) udalak ere, ohar baten bidez, doluminak eman nahi izan dizkie hildako mendizaleen senide eta lagunei; bereziki, bertako bizilaguna zen Tontxu Gonzalezen familiari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kontseiluko kide diren eragileetako ordezkariak, atzo, Durangoko San Agustin kulturgunean. ©MARISOL RAMIREZ / FOKU

Eskisabelek adostasuna eta «letra larriko politika» aldarrikatu ditu

Julen Aperribai

Euskararen biziberritzea «justiziari eta kohesio sozialari» lotutako auzia dela adierazi du idazkari nagusiak, eta aurreratu du balio horiekin bat egiten duten guztiekin ados jartzea izango duela xede.
ESIko kargugabetzeen harira egindako protesta, atzo, Donostian. ©JAVIER ETXEZARRETA / EFE

Egunero elkartuko dira ESIkoak, kargugabetuak berriz integratu arte

Oihana Teyseyre Koskarat

Osakidetzako krisia dela eta, elkarrizketarako «prest» agertu da Bingen Zupiria, baina adierazi du badirela «leku egokiak» mintzatzeko, hedabideetatik kanpo
EH Bilduren hezkuntza konferentzian aritutako hizlariak. ©MONIKA DEL VALLE / FOKU

Hezkuntza itunak «jauzia» ekartzea nahi du EH Bilduk

Gotzon Hermosilla

Hezkuntza konferentzia egin du Bilbon. Lege berriak koalizioaren ustez ekarri beharko lituzkeen urratsak zerrendatu ditu Otxandianok
 ©MARISOL RAMIREZ / FOKU

«Ume batek 3 urterekin ez badu hitz egiten, ja hasi behar da lantzen»

Irati Urdalleta Lete

Gutxi gorabehera bi urteko desfasea atzematen ari dira umeen hizketaren garapenean. Horrek izan ditzakeen ondorioez ohartarazi du Rodriguezek: «Hiztegi gutxiago daukate, ezagutza gutxiago dute...».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...