Jaizkibel Urkulluri: «Elkarrizketarako prest gaude»

Hondarribiko (Gipuzkoa) jaietan emakumez eta gizonez osatutako alardea egiten duen Jaizkibel konpainiak gutuna igorri dio Iñigo Urkullu lehendakariari. Hark joan den astean esan zuen «begi onez» ikusten zuela Irungo alarde parekidea, eta elkarrizketa bidez konpondu behar zela gatazka. «Ondorioztatzen dugu begi onez ikusten duzula Jaizkibel konpainia ere», idatzi diote, eta gogorarazi «hamarralditan» bilatu dutela elkarrizketa hori: «Baina gure herriko alkateek ez dute ezer egin elkarrizketa horiek gauza daitezen». «Oztopo» horiek baztertzeko laguntza eskatu diote Urkulluri.