CureVac txertoaren entseguak hasi dituzte

Bilboko BioCrucesen atzo hasi ziren Alemaniako CureVac botika etxearen txertoaren entsegu klinikoetan parte hartzen. Guztira, bi mila boluntariok parte hartuko dute: erdiek txertoa jasoko dute, eta beste erdiek, plazeboa. Ikerketaren azken fasean dago CureVac, eta, dena ongi bidean, urtebete barru merkatuan egon liteke. BioDonostian aste honetan hasiko dituzte entseguak.