Migrazioari erantzun «bateratua eta solidarioa» emateko itun bat egin dute

Eusko Jaurlaritzak, EAEko instituzioek eta gizarte eragileek Migraziorako Euskal Itun Soziala landu dute. Xenofobiari aurre egiteko tresna bat da
Ituna atzo aurkeztu zuten, Lehendakaritzako egoitzan, Gasteizen.
Ituna atzo aurkeztu zuten, Lehendakaritzako egoitzan, Gasteizen. JUANAN RUIZ / FOKU Tamaina handiagoan ikusi

Edurne Begiristain -

2019ko abenduak 1

Migrazioari «erantzun bateratua eta solidarioa» eman nahi die Migraziorako Euskal Itun Sozialak. Eusko Jaurlaritzak, Arabako, Bizkaiko eta Gipuzkoako instituzioek eta migrazioaren alorrean lan egiten duten gizarte eragile ugarik landu dute akordioa, eta Iñigo Urkullu Jaurlaritzako lehendakariak atzo aurkeztu zuen, Gasteizen. Migrazioa mundu osoan gertatzen ari den «egiturazko errealitate» bat da, eta beharrezkoa da fenomeno horri erantzun «egokia» ematea, Urkulluk aurkezpenean azaldu zuenez. Hala, itunak migrazioaren ertz guztiei heldu nahi die, «ikuspegi etiko, prebentibo eta proaktibo» batetik erantzunak proposatuta.

Jaso nahi genukeena eskaini. Horixe da Migraziorako Euskal Itun Sozialak duen izenburua. Ideia horri heldu zion lehendakariak bere hitzaldian, eta galdera batekin laburbildu zuen itunaren mamia: «Zer nahiko genuke jaso migratzaile, errefuxiatu edo egoera kaltebera batean den pertsona baten azalean egongo bagina?». Itunak, hain justu, edozein migratzailek nahiko lituzkeen «duintasun baldintzak» jasotzen ditu, Urkulluren esanetan.

Xenofobiaren aurkako tresna

Lehendakariak uste du euskal gizarteak «batasunez eta elkartasunez» erantzun behar diola «populismo xenofoboaren mehatxuari». Eta ituna horretarako tresna izatea nahi dute, haren hitzetan: «Mezu xenofoboa erabiliz abantaila politikoa lortzeko edozein asmoren aurrean, batasun soziala eta politikoa mantentzeko konpromisoa hartu nahi dugu».

Ituna sinatu duten eragileek eta instituzioek konpromisoa hartu dute hamar lan ildo aurrera eramateko, nork bere esparru eta eskumenen arabera garatzeko. Besteak beste, lankidetzarako konpromisoa hartu dute beste eragile batzuekin zein Europako Batasunarekin «erantzukidetasun» printzipioa sustatzeko. Immigrazio erregularizatuaren aukerak areagotu daitezen lan egiteko konpromisoa ere hartu dute, bai eta nazioarteko babes eskatzaileen eta errefuxiatuen harrera eta integrazioa Europan, Espainian eta EAEn «modu kuantitatiboan eta kualitatiboan» hobetzeko ere.

Bestalde, «zaurgarritasun» egoeran dauden migratzaileei behar dituzten baliabideak eskaini nahi dizkiete «erantzun humanitario» egokia emateko, eta arreta berezia jarri nahi dute emakumeengan, adingabeengan eta giza eskubideen urraketen biktimengan. Horrekin batera, erregularizatu gabe dauden migratzaileei eta bidaiderik gabeko adingabe eta gazte atzerritarrei behar dituzten baliabideak ematea hitzartu dute. Itunean jasota dago «esku hartze humanitarioa» eta «prebentzio neurriak» ere sustatuko dituztela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako kasuen oldarraldiari lotuta

Beste 11 positibo zenbatu dituzte Ordiziako kasuen oldarraldiari lotuta

Arantxa Iraola

Denera 69 kasu daude lotuta positibo multzo horrekin; azken zenbaketan, Osakidetzak 31 positibo berri daudela onartu du

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna