Albistea entzun

Burujabetza, «praktikara»

Euskal errepublikaren aldeko ekitaldiak izango dira otsailean. Ehun mugimendua aurkeztu dute. Bideoa albistearen amaieran.

Ehun mugimenduko kideak, atzo, Donostian, Doka kafe antzokian, datorren otsailaren 15eko ekitaldien berri ematen.
Ehun mugimenduko kideak, atzo, Donostian, Doka kafe antzokian, datorren otsailaren 15eko ekitaldien berri ematen. JON URBE / FOKU Tamaina handiagoan ikusi

Enekoitz Esnaola -

2019ko azaroak 17 - Donostia

«Hemen gaude burujabetza hitz abstraktu bat ez dela uste dugun euskal herritarrak; burujabetzak, alor guztietan, erabakiak hartzea esan nahi duela uste dugun herritarrak. Eta hemen gaudenok uste dugu, burujabetza aldarrikatzetik edozein alorretan erabakitzen duguna praktikara eramatera pasatu behar dugula; Espainia eta Frantziako legediek ahalbidetu edo ez. Bukatu da baimena eskatzea. Espainia eta Frantziatik atera eta Euskal Errepublika behar dugula uste dugu». Ehun mugimendu berriaren hitzak dira, Donostian egindako aurkezpenean esandakoak, eta finkatu du hitzordu bat euskal errepublikaren alde egiteko: datorren urteko otsailaren 15a.

Ekimen horren bidean sortu duten mugimendua da Ehun, eta dio aztertuko dela zer forma hartuko den handik aurrera. Oraingoz, otsailaren 15ean 21 ekitaldi egingo dituzte Bizkaian, Gipuzkoan, Lapurdin eta Nafarroan; gehiago izatea nahi dute.

Antigua auzoan egin dute agerraldia, Doka kafe antzokian, eta han bildu dira pentsiodunak, euskaltzaleak, emakumeak, herritik kanpora bizitzera joan behar izan dutenak, etorkinak, baserritarrak, langile autonomoak, ikasleen gurasoak, euskal presoen senide eta lagunak... Esan dute «eguneroko arazoak» pairatzen dituzten herritarrak direla, eta arazo horiek bere horretan daudela edo okerrera doazela. Iritzi diote Madrildik eta Paristik ez dela etorriko konponbiderik. «Hemen gaude, gaur egungo markoan, nahiz eta saiatu, konponbiderik ez dagoela gero eta argiago ikusten dugun euskal herritarrak. Hemen gaude, Espainia eta Frantziaren aldetik, arazo hauek guztiak konpontzeko behar den borondate politikoa ez dela egon, ez dagoela eta etorkizunean ere ez dela egongo uste dugun euskal herritarrak», azaldu dute. Lide Zubizarreta eta Asier Sanz mintzatu dira.

«Behar-beharrezkoa» deritzote estatu batek ematen dituen baliabideak izatea, eta horregatik nabarmendu dute euskal errepublika izateko xedea.

Gaur-gaurkoz otsailaren 15erako lotuak dituzten 21 ekitaldietatik bat Bizkaian izango da, hamasei Gipuzkoan —horietatik bederatzi, Donostiako udalerrian—, bi Lapurdin eta beste bi Nafarroan. «Euskal Errepublikaren eguna ospatzea erabaki dugu; egunerokoan eragiten diguten arazoetatik abiatuz, eta herri eta auzo bakoitza nahi duen gaiaren inguruan arituz». Adierazi dute joango direla tokian-tokian egitarauaren berri-eta ematen.

200.000 'bai' kontsultetan

Gure Esku herri dinamikak orain urtebete bukatu zuen estatus politikoari buruzko herri galdeketen zikloa —orain, erreferendum baten eskaera euskal instituzioetara bideratzeko egitasmoarekin dabil—, eta 2014tik aurrera izandako 209 galdeketetako 218.248 parte hartzaileetatik 200.000 inguruk (%95ek) eman zioten baiezkoa Euskal Herriaren independentziari, euskal errepublikari edota euskal estatuari —tankerako galdera mota ugari egon zen—. Ehun mugimenduko kideek uste dute badela garaia herri gogoa bideratzen hasteko, eta haiek lanean jarri dira. «Ez gara inoren zain geldituko. Martxan jarri gara. Asko gara eta ehuntzen hasi gara», adierazi dute Donostiako prentsaurrekoan —euskaraz egin dute—.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miren Larrion 2019. urtean, Gasteizen, hango udalerako alkategaia zenean. ©Endika Portillo / Foku

Miren Larrion: «Ez naiz ezkutatuko, eta ez naiz geratuko burua altxatu gabe»

Paulo Ostolaza

Dimisioa aurkeztu zuenetik lehen aldiz hitz egin du Gasteizko Udaleko EH Bilduren eledun ohiak, Euskadi Irratian. Oso egoera gogorra bizi izan zuela azpimarratu du, eta horrek eraman zuela kide baten izenean bankuan kontu bat irekitzera.

Zarauzko lore eskaintza. ©G. RUBIO / FOKU
EH Bilduko Laura Aznal eta Bakartxo Ruiz, atzo, Iruñeko egoitzan. ©JAGOBA MANTEROLA/ FOKU

EH Bilduk «eskua luzatuta» du 2023ko aurrekontuak negoziatzeko

Joxerra Senar

Nafarroako Gobernuko ordezkariak gaur bilduko dira lehen aldiz koalizio abertzaleko kideekin

Markel Olano, legealdi honetako politika orokorreko azken bilkuraren hasieran. ©Andoni Canalleda / FOKU

230 milioi euroko kostua izango dute Gipuzkoako bide azpiegiturak berritzeko lanek

Iñaut Matauko Rada

Markel Olano Gipuzkoako ahaldun nagusiak hasiera eman dio legealdi honen politika orokorreko azken bilkurari. Adierazi duenez, pandemiaren eta Ukrainako inbasioaren ondorioek mugatzen dituzte gaur egungo politikak hein handi batean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...