Noiz sortua: 2016-03-16 00:30:00

Bizikleta, tren azkarraren aurka

Hego Euskal Herria zeharkatuko dute AHTaren kontra.

Gizarte eredua aldatzeko eskatuko dute
Txirrinka bizikleta martxaren aurkezpena, atzo, Donostian.
Txirrinka bizikleta martxaren aurkezpena, atzo, Donostian. IDOIA ZABALETA / ARP

Eskeine Legorburu -

2016ko martxoak 16

AEKren Korrika egitasmoak bi hanken gainean zeharkatzen du Euskal Herria, euskararen alde. Ideia hori hartu, eta oinak gurpilekin aldatuta, azpiegitura proiektu handien aurka Txirrinka bizikleta martxa antolatu du AHT Gelditu! Elkarlanak, Euskal Herriko beste hainbat eragile sozial eta sindikalekin batera. Hego Euskal Herria zeharkatuko dute, lau zutabetan banatuta, maiatzaren 20tik 22ra. Azpiegitura horiek egiteko erabilitako baliabideak «jendearen zerbitzura» jartzea eta gaur egungo sistema soziala eraldatzea galdegingo dute. Atzo aurkeztu zuten martxa, Donostian.

Antolatzaileen esanetan, «lurraren aurkako guda hau gelditu eta hainbeste azpiegitura txikitzaile behar dituen sistema irauli egin behar da». Eta hori galdegiteko zeharkatuko dituzte lau lurraldeak, txandaka. Zutabe bakoitzak bere lekukoa eramango du, eta barruan, mezu bana.

Gasteiztik, Muskiztik (Bizkaia), Hendaiatik (Lapurdi) eta Iruñetik abiatuko da zutabe bakoitza: Bergarako (Gipuzkoa) Angiozar auzoraino. Ekitaldi nagusia Bergaran egingo dute, eta han irakurriko dituzte lekukoetan eramandako mezuak.

Antolatzaileek adierazi dutenez, azken urteotan azpiegitura handien plangintza eta eraikuntza «modu amorratuan» egin da Euskal Herrian: «Jendartearen behar oinarrizkoen gainetik hormigoiaren politika inposatu da. AHT, Garoñako zentral nuklearra, francking proiektuak, erraustegiak, goi tentsioko lineak, urtegiak, ubideak eta abar egiteko euskarria baliabide naturalak eta ekonomikoak izan dira, eta ingurua, berriz, hondakindegia».

Txirrinka egitasmoan «Euskal Herriko proiektu txikitzaileen aurkako erresistentzien mapa» ere aurkeztuko dute, «lurralde bakoitzeko iraganeko eta oraingo borroken isla» izango dena. Martxa egin baino lehen, apirilaren erditik aurrera, hainbat ekintza antolatuko dituzte Araban, Bizkaian, Gipuzkoan eta Nafarroan lekuan lekuko arduradunek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna