Albistea entzun

Osakidetzako afera puztea egotzi dio EAJk oposizioari: «Ez da horren larria»

Filtrazioak «espezialitate batzuetan soilik» gertatu direla nabarmendu du EAJk. «Neurriz kanpoko» adierazpenak egitea egotzi dio EH Bilduk
Jon Darpon, artxiboko irudi batean.
Jon Darpon, artxiboko irudi batean. LUIS JAUREGIALTZO / FOKU Tamaina handiagoan ikusi

Hodei Iruretagoiena -

2019ko martxoak 17

Espainiako Gorteetarako eta udal eta foru erakundeetarako bozen atarian, Eusko Jaurlaritzaren eta oposizioko taldeen arteko tentsioa areagotu du Osakidetzako ustezko iruzurren aferak. Ostegunean eman zuen dimisioa Jon Darpon Osasun sailburuak, eta, haren ondoren, akusazio gogorrak egin dituzte EAJkoek. Oposizioa «mendekati eta narras» ari dela eta «suntsitzeko bakarrik» elkartzen dela salatu du sare sozialetan EAJren EBBko buru Andoni Ortuzarrek, eta bide beretik jo zuen atzo Luis Javier Telleria legebiltzarkide jeltzaleak ere. Haren hitzetan, EH Bildu, Elkarrekin Podemos eta PP «higatze estrategian» ari dira: «Jazarpen eta eraiste operazio bat egon da». Gainerako taldeek «neurriz kanpokotzat» jo dituzte jeltzaleen adierazpenak, baita EAJren gobernukide PSEk ere.

Radio Euskadiko tertulia batean aritu ziren atzo gaiaz legebiltzarrean ordezkaritza duten alderdietako ordezkariak. «Lan eskaintza publiko batean filtrazio bat egon den susmoa badago, hori larria da. Baina postu batzuetan soilik gertatu bada, ez da hain larria. Eta espezialitate batzuetan bakarrik gertatu da», esan zuen Telleriak: «Funtzionarioek egiten duten guztiaren erantzule al dira kargudun politikoak? Hemen ez dago kargudun politikorik inplikatuta». Telleriaren iritziz, «edozein arrakala txiki hartu» eta hura «puztea» da oposizioaren estrategia: «Baina ez da horren larria». EH Bilduko legebiltzarkide Iker Casanovaren iritziz, ordea, «neurriz kanpokoa» izan da jeltzaleen erreakzioa.

EAJ «distrakzio operazio» batean ari dela uste du: «Darpon ez da gai izan oposizioetan iruzur bat eragozteko, eta, gero, behin hura deskubrituta, ezta ikerketa baten buru egiteko ere». Lan eskaintza publikoak «ia antzerki huts» bihurtu direla salatu zuen EH Bildukoak, eta azaldu du erreakzionatzeko «nahikoa denbora» eman ziotela gobernuari. Casanovak uste du Cristiano Ronaldo sindromea duela EAJk: «Golak sartzen ditu, tituluak irabazi, baina ez daki ez irabazten, ez galtzen [...] Borondatea badago akordioak egiteko, baina badirudi EAJk ez duela gaitasunik, nagusikeriaz ari baita». Elkarrekin Podemoseko Jon Hernandezek ere oroitarazi du «larria» dela ustezko iruzurra, «bezerokeria taktikak» azaleratu dituelako. Oposizioaren kritikei EAJk emandako erantzuna «infantila eta kontraesankorra» dela salatu du, gainera: «Oposizioa higatze estrategian ari dela esan du, eta, aldi berean, negoziazioaren aitzindari eta gidari dela gobernua. Edo bata, edo bestea».

PSE: «Ez da zentzuzkoa»

PSEko legebiltzarkide Eneko Anduezak ez du askorik sakondu oposizioen gaian, baina esan du Darpon bera zela «interesatuena» ustezko iruzurra argitzeko. «Hori bai, uste dut baieztapen batzuk ez direla zentzuzkoak, Ortuzarrenak batez ere. Gainerako taldeak espainiar erako oposizioa egiten ari direla esan du. Espainiar erakoa, edo euskal erakoa? Ez dut gogorarazi nahi zer oposizio egiten zuen EAJk PSE gobernuan zegoenean [Patxi Lopezen agintaldian: 2009-2012]».

Javier Ruiz de Arbulo PPko legebiltzarkideak, berriz, adierazi du «higatze operazioa lehendakariak gidatu» duela, eta azaldu du Darponek lau aldiz aurkeztu ziola dimisio eskaria Urkullu lehendakariari: «Hor mantendu dute, denek zekitelako gauzak ez zirela ondo egin. Argitzeari uko egin zion, eta, azkenean, fiskalak salatu du». Ardura politikoak eta judizialak «nahastea» akatsa dela esan du Ruiz de Arbulok, baina «kudeaketa txarra» egin duela gobernuak, eta hori ezin zaiola oposizioari egotzi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Bildarratz Donostiako ikastetxe batean, ikasturte hasieran ©irekia

Eskola publikoetako zuzendariek baimena izango dute urtebetean eskolarik ez emateko

Irati Urdalleta Lete

Jaurlaritza ontzen ari den dekretu batean jaso dutenez, zortzi urte karguan egon ostean eskola publikoetako zuzendariek ez dute eskolarik eman beharrik izango urtebetean. Gainera, ikastetxean nahitaez egon beharreko ordutegia malgutuko diete, eta lehentasuna izango dute beste ikastetxe bat aukeratzeko.

COVID ziurtagiria, osalaritza negozio baten aurrean. ©Gorka Rubio / FOKU

COVID ziurtagiriaren luzatzea indargabetu du EAEko Justizia Auzitegi Nagusiak

Iñaut Matauko Rada

Herritar batek inpugnatu zuen COVID ziurtagariaren luzatzeko modua eman zuen dekretua, oinarrizko eskubideen babesaren arrazoiagatik, eta auzitegiak onartu egin du eskubideak urratzen zituela, «arin» bada ere.

Pablo Gonzalezen askatasunen aldeko manifestazio bat, martxoan, Nabarnizen (Bizkaia). ©Monika del Valle / Foku

Pablo Gonzalezen atxiloaldia ez luzatzeko eskaera atzera bota dute berriro ere

Paulo Ostolaza

Abuztuaren amaieran beste hiru hilabetez luzatu zioten zigorra kazetariari, eta hari eustea erabaki du Rzeszoweko Dei Auzitegiak. Ostegunean zazpi hilabete beteko dira atxilotu zutenetik.

Ortzaizeko Laka erreka, lehorrik, uda honetan. ©Guillaume Fauveau

Krisi egoeratik alerta egoerara itzuli da Ipar Euskal Herria, lehorteagatik

Oihana Teyseyre Koskarat

Neurriak doi bat malgutu ditu prefeturak, baina oraindik indarrean dira murrizketa gehienak. Azken egunotako euriteek eta tenperaturen apaltzeak egoera hobetzea ahalbidetu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...