750.000 atxikimendu baiezkoaren alde

ANC Biltzar Nazional Katalanak «independentziaren aldeko» 750.000 sinadura entregatu zizkion atzo Kataluniako Parlamentuko presidenteari. «Ez da ohiko sinadura bilketa, jendeak konpromisoa hartu duelako azaroaren 9ko galdeketan baiezko botoa emateko», azaldu zuen kanpainaren koordinatzaile Rosa Alentornek. Itxaropentsu zen urtebetean jasotako atxikimenduagatik, eta galdeketari eusteko eskatu zion Masi.