Albistea entzun

Espainiako Gorteetarako hauteskundeak. Biharamuna. Bel Pozueta. EH Bildu

«Hurrengo bozei begira oso leku onean uzten gaitu»

Oso gertu izan du diputatu agiria lortzea: 390 botogatik gailendu zaio PSOE. «Sentsazio gazi-gozoa» du horregatik, baina, hurrengo bozei begira, EH Bildu indartsu dagoela uste du.
IDOIA ZABALETA / FOKU Tamaina handiagoan ikusi

Joxerra Senar -

2019ko apirilak 30 - Iruñea

Gertu izan zuen. Igande gauean, zenbaketak aurrera egin ahala, pare bat aldiz Madrilera bidean jarri zen Bel Pozueta (Iruñea, 1965). «Hasieran, oso lasai nengoen. Poliki-poliki, gero eta urduriago jarri nintzen». Azkenean, PSOE gailendu zitzaion, 390 botoren aldea aterata. «Sentsazio gazi-gozoarekin nago. Gutxigatik ez dugu lortu, baina pozik nago emaitzarekin». Atzerriko botoak zenbatzea falta bada ere, oso zail du emaitza iraultzea. «Ez dago ate hori erabat itxita, baina errealistak gara. Aukera txikiak dira».

Zer analisi egiten duzu?

Muga oso goian zegoen, boz asko behar baitziren. 45.000 bototik gora geundela, jabetu ginen oso emaitza onak zirela, nahiz eta diputatua ez lortu. Nabarmendu nahiko nuke Altsasuko gorakada. Poz handia izan da niretzat.

Beste alderdien emaitzei begira, zer azpimarratuko zenuke?

Voxek 17.600 boto lortu ditu. Eskuinekoak direla esaten da, baina frankismoaren aurpegia dira, eta hor gertu ditugu. Aukerak dituzte maiatzean parlamentaria lortzeko. Ezin dugu hori ahaztu.

Navarra Sumaren kasuan, ez dute lortu botoak gehitzea.

PPren jaitsiera izugarria izan da. Ziurrenik, PP desagertu da Nafarroan. Ez dakit nork ekarri dituen botoak, Ciudadanosek edo nork.

PSOE bigarren geratu da, baina irabazle argia izan dira.

Estatuko hauteskundeak izanda, jende askok pentsatu du eskuinari aurre egin behar zaiola, eta PSOE babestu du. Madrilera begira jokatu du, eta ikusi beharko da nola geratzen den PSN. Uste dut ez dutela emaitza bera izango.

Kezkatuta zaudete aldaketaren indarren emaitzekin?

Ikusi beharko da hemen zer-nolako panorama planteatzen den. Jokoan dagoena eta jokalekua ez dira gauza bera. Orain PSOEri boto ematen dioten askok maiatzean aldaketaren aldeko indarrei emango diete botoa.

Senatuan, ez da aurrera atera Aldaketa. Zergatik ez?

Ez dakit. Pena handia ematen dit. Logikaz, atera egin beharko litzateke. Alde batetik, jendeak ez du sinesten Senatuak zer eman diezaiokeen, ez dio ematen garrantzirik. Bestetik, jendeak identifikatzen du bere burua alderdi batekin, eta, hortik ateraz gero, susmoak pizten zaizkio. Adibidez, Txantrean, pertsona batek Kongresurako niri eman zidan botoa, eta Senaturako PSOEri. Logika arraroak dira.

Espainiako Gobernua osatzeko dago. Zer gertatuko da?

PSOEk erregimenarekin jarraitu dezake, gauza gutxi aldatu orain arte bezala jarraitzeko; edo demokratizazioaren bidean aurrera egin dezake. PSOEk aukeratu beharko du. Hari dagokio mugitzea.

Foru hauteskundeei begira zer esan nahi du igandekoak?

Oso egoera onean geratu gara. Jendeak ilusioz ikusten du, ikusi du markatu ditzakegula politikak. Hurrengo bozei begira, oso leku onean uzten gaitu; jarrera onarekin aurkeztuko gara.

Aldaketa errepikatu daiteke?

Nik uste dut baietz. Horretan sakondu beharko dugu, eta lan egin. Pentsatzen badugu ezetz, ez dago ezer egiterik. Guk diogu aurrera egin dezakegula, nekaezin eta geldiezin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Foro Sozial Iraunkorreko koordinatzaile Agus Hernan, atzo, Zaballako espetxean. ©JAIZKI FONTANEDA / FOKU

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa. Foro Sozialak esan duenez, EPPK-k ontzat jo du urte hauetako harremana

Gure Esku-ko Josu Etxaburu, atzo, Eusko Legebiltzarrean. ©JAIZKI FONTANEDA / FOKU

Gure Esku-k ekintzetara igarotzeko eskatu dio Eusko Legebiltzarrari

Iosu Alberdi

Elkarteak talde parlamentarioei exijitu die eztabaida «garden eta ireki» bat hasteko, erabakitzeko eskubidea arautzea helburutzat hartuta
Armak erabilerarik gabe uzteko saioan parte hartu zutenak, Luhusoko Errekarte baserrian, 2018ko abenduan. ©/ Bob Edme

Luhusoko auziko instrukzio aldia amaitutzat jo dute

Jon O. Urain

Fiskalak hilabeteko epea du orain auziari buruzko eskaera aurkezteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...