Albistea entzun

Musika. Painted Shrines 'Heaven and Holy'

Poparen eta psikodeliaren oparotasuna

Diskoetxea: Woodist.

Julen Azpitarte -

2021eko apirilak 11

Jeremy Earl (Woods) eta Glenn Donaldson (Skygreen Leopards, The Reds, Pinks & Purples) kaliforniarrak oso musikari emankorrak dira: lehenak disko bat argitaratu du urtero Woods folk eta pshych egitasmoarekin 2007az geroztik; bigarrena antzera ari da, 2019an The Reds, Pinks & Purples pop proiektua abiatu zuenetik —hil honetan hirugarren lana plazaratu du, Uncommon Weather—. Halaber, Donaldsonek Woodsen Sun & Shade grabazioan ere parte hartu zuen 2011n. Hartara, bi musikarien arteko adiskidetasuna aspaldian erein zen, eta oraindik dirau.

Esku artean dugun disko hau 2018an grabatu zen, Donaldsonek Earli eginiko gonbita tarteko. Kalifornia iparraldeko kostaldeko herri landatar batean bildu ziren, eta astebetean diskoan jasotako kantu guztiak sortu eta grabatu zituzten, aurretik aipatutako oparotasunaren seinale; Jeff Mollerrek (The Papercuts) baxua eta piano elektrikoa gehitu zituen.

Bada, pandemia tarteko, oraintsu ikusi du argia grabazioak, zeinak pop, folk, soft rock eta psikodeliatik edaten duten dozena bat doinu biltzen dituen, Woodsen hasierako lanetatik gertu. Eta zalantza izpirik gabe aitortu behar dut aurten nire belarrietara iritsi den disko biribilenetarikoa dela, behintzat doinu melodikoei dagokienez.

Kantu guztiak dira azpimarragarriak, baina ibilbide bat trazatuz gero, diskoaren hasiera nabarmendu behar da, Saturates The Eye doinua, gerora etorriko den olatua bikain aurreratzen baitu: fuzz gitarra psikodelikoek eragindako elektrizitate txinpartatsua eta jangle gitarra dirdiratsuek marraztutako amets-giroen arteko uztarketa aparta. Handik Gone abestira, zeinak The Go Betweens-en trazak erakusten dituen, piano jostalariz jantzita. Halere, bidean aurrera egin ahala, diskoa elektrikoagoa bilakatzen da. Aldaketa hori Soft Wasp interludio instrumentalak aurreratzen du, jarraian lanari izena ematen dion kantua zabaltzeko: wha-wha gitarra elektriko oldartuak gitarra akustiko baretuekin tartekatu eta batzen dira, psikodelia pop zaleko kantu euforikoa sortzeko, hazi baino egiten ez dena, diskoaren gailurra ukitu arte. Grabazioaren erdian kokatzen da une kritiko hori, baina amaierara iritsi baino lehen, Fool ere agertuko da, desertutik datorren western kutsuko doinu lisergiko lasaia. Segidan, burbuilak egiten dituen Coast instrumentala azaltzen da, diskoan bilduta beste perla bati ateak irekitzeko, Moon Will Rise. Horretan ere giro ilun eta eguzkitsuak uztartzen dira berriro ere, apurka-apurka bidaiaren azken hitzera iristeko, Pacem In Terris instrumentala.

Laburbilduz, bi musikariren ezaugarriak maisuki erakusten dituen marra bihurgunetsu eta gozagarria da Heaven and Holy. Denbora-pasa itxura duen elkarlanetik urrea ateratzeko ahalmena erakutsi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Silvia Perez Cruz izango da jaialdiko izen handienetako bat. ©Kiko Huesca / EFE

Brad Mehldau, Bill Frisell, Silvia Perez Cruz eta Kenny Barron izango dira Donostiako 56. Jazzaldian

Mikel Lizarralde

Musika jaialdia uztailaren 21etik 25era egingo da, eta bertan parte hartuko dute, era berean, Cecile McLoron Salvantek, Noak, Mulatu Astatkek eta Gonzalo Rubacabak

Iñaki Segurolak atzo aurkeztu zuen liburua, Donostian. ©JON URBE / FOKU

Pandemiaren zurrunbilotik

Mikel Lizarralde

Iñaki Segurolak 'Koiteretzia' argitaratu du, azken hilabeteetan bizi izandako egoeretan ardaztutako eleberri bat. Narratzailerik gabe, hiru pertsonaiaren arteko elkarrizketen bidez eman du nobela

 ©JON URBE / @FOKU

«Despolitizatu egiten da kultura»

Gorka Arrese

Kulturaren eta artearen arloak ikuspegi sozialistatik lantzeko egitasmoa da Ekida. 'Manifestua' ikuskizunaren lau emanaldi eskainiko dituzte maiatzean eta ekainean. Lehen editoriala argitaratu dute webgunean.
Jaialdiaren antolatzaileak, programazioaren kartelarekin, Bilboko Plaza Barrian. ©LAUTAN HIRU

Labur eta euskaraz

Amaia Igartua Aristondo

Gaur hasiko da Lautan Hiru antzerki laburren jaialdia. Hamasei obra emango dituzte Bilboko zenbait tokitan, maiatzaren 27ra bitarte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.