Albistea entzun

Musika. The Night Flight Orchestra 'Sometimes the World Aint Enough'

Gaitasun siderala

Diskoetxea: Nuclear Blast.

Inaxio Esnaola Aranzadi -

2018ko uztailak 1

Suediako musika hezkuntza aberatsak askorako ematen du. Metal doinuen unibertsoan badira sormenari norabide berri bat eman dioten musikariak. Gogortasunean zaildutako hainbatek atzera begiratzeko joera hartu dute AOR zein rock melodikoaren esentzia landu eta berreskuratzeko. Tobias Forge fenomenoak Ghost banda laudatu zein kritikatuarekin egin bezala, Bjorn Strid eta David Andersson Soilwork taldeko kideek atzera begirako bidaia interesgarriari hasiera ematea erabaki zuten: The Night Flight Orchestra.

Konturatu gabe, laugarren diskoa kalean dute. Amber Galactic txalotuaren ondorengoa da Sometimes the World Aint Enough berria. Maila berari eutsi diote pop rock, funk eta disco musikari ere tartea eskainita. Nostalgia klasikoa berreskuratzeko lanetan jarrita 70eko eta 80ko hamarkada bitarteko esentzia bere osotasunean harrapatzeko prest daudela dirudi. Freskotasuna ekarri dio horrek suediarren proposamen deigarriari. Izan ere, oso bitxia da taldea osatzen duten musikarien norabide paraleloa. Death metal melodikoa jorratuz bizi dira Soilwork eta Arch Enemy talde titularrekin.

Sormena, ordea, ezin da giltzapean geratu. Orkestra bat dute arnasa hartzeko, estudioan nahiz zuzenean. Hasi zirenean, kontzertu gutxi eskaintzeko aukera izan zuten, agenda arazoak zirela tarteko, baina lehentasunen zerrenda zertxobait egokitu dute. Kontzertu birak egiten hasi dira, eta seguru lan berriarekin ere agertokiak zapalduko dituztela. This Time lehen singleak, besteak beste, hori merezi du.

Hard rockaren zigilu melodikoa mantendu arren, kantu bilduma berriak altxor ugari gordetzen ditu. Aipaturiko singlea bezain zuzenak dira Speedwagon, Can't Be That Bad eta Barcelona. Espaziora eramaten zaituzten erritmo lasaiagoa dute Turn to Miami, Moments of Thunder eta Lovers in the Rain itsaskorrak. Eta zein ederra den Paralyzed funk zein disco abestia. Zaharrak berritzen dituzten horietakoa da. Hamabikoa osatzeko bederatzi minutu pasako kantu batekin ausartu dira, patxadarekin gozatzen dena.

Aldarte hau nahiago duenik izango da. Hau da, ez da gauza bera ahotsa urratzea edo melodia atseginak sortzea. Benetan harrigarria da Strid abeslariaren gaitasuna. Kamaleoien antzera aritzen da kantatzeko orduan; baita rock talderako darabilen estetika ikusita ere. Gainerako musikariak ere ez dira motz geratzen. Koherentzia puntua eman diote jorratzen dutenari, batzuek txantxetan ari direla pentsatuko duten arren. Umore puntua dutenik ezin da baztertu, baina seriotasunez egiten ari dira bidaia propio eta siderala.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Joanes Etxebarria

Jean-Louis Davant: «Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

Aitor Mendiluze eta Amets Arzallus, atzo, elkarrekin kantuan, hamarreko txikiko ariketan. ©MARISOL RAMIREZ / FOKU

Ez da ate ondoan geratu

Miren Mujika Telleria

Amets Arzallusek Bilbon irabazi ondoren, erabakita gelditu da finala. Harekin batera ariko dira Illarregi, Ibarzabal, Gaztelumendi, Colina, Mendiluze, Martin eta Lujanbio
<em>Titanic Rising</em> diskoan abiatutako bidean segitzen du Weyes Blood-ek disko berrian. ©BERRIA

Dirdira iluntasunean

Mikel Lizarralde

Folkaren eta pop barrokoaren artean mugitzen diren kantuen bitartez, Weyes Bloodek gaur egungo ajeetan arakatu du 'And In The Darkness, Hearts Aglow' diskoan.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...