Oscar Sariak. IRITZIA

Mundua zabala eta arrotza da

Gontzal Agote -

2020ko otsailak 11

Antza denez, boz emaileek ere Sarrionandiaren poemako maisuaren ahotsa entzun zuten, eta ikasi, hor nonbait badela mundu bat, jator eta emankorra.

Egia esatera, zabala zela jakin bazekiten, zinemak industria izena hartu zuen memento beretik negoziorako zein kolonizazio kulturalerako ezinbesteko tresna bihurtu baitzen. Mugaz gaindi, ametsak saltzeaz gain, mundu ikuskera bat zabaldu zuen.

Horregatik, Hollywoodi bere fokuetatik kanpo dagoen oro arrotz egin zaio, eta egiten zaio. Industria horrek mespretxatu izan du kanpotik etorri zaion ia dena. Kasurik onenean, bertakotu egin du, bertsio estatubatuarra sortuta. Beste batzuetan, berriz, kanpoko sortzaileak bereganatu ditu.

Jarrera horrek mundu mailako bokazioa duten Oscar sarietan du bere adierazpiderik gordinenetakoa: filmik onena saritzen dute (haiena), eta atal berezitu batean besteena.

Horrela, Mon Oncle, Otto e mezzo, Le discret charme de la bourgeoisie, Dersu Uzala, Fanny och Alexander eta gisako maisulanak ez ziren izan filmik onenerako hautagaiak ere. Horientzat, beste askorentzat bezala, bigarren mailako jostailua zuten nagusiek. Eta denok, iji eta aja. Munduak normaltasunez hartu izan du azpiratze iraingarria, eta pozarren hartu plater nagusitik erortzen ziren papurrak.

Logika suntsitzaile horrek eztanda egin behar zuen inoiz, eta, azkenean, egoerarik surrealistenera ailegatu ginen asteleheneko goizaldean: Parasite-ri bi aldiz eman zioten sari bera, film onenarena eta (izena estreinatu duen) nazioarteko film onenarena. Korearra izan, eta, gainera, doble!

Historikoa? Bong Joon Horena historikoa izanen da, baldin eta zilborrari begira bizi izan den mundu txiki eta murritza norabide berri batean jartzeko bada. Izan bedi saria globalizazioak soilik ekonomikoa izan behar ez duela ikusarazteko tresna; batez ere kulturala izan behar duela ulertzeko, betiere joan-etorriko norabidean.

Balio beza sariak Joon Horen eta bazterrean utzi dituzten beste askoren filmografia apartekin gozatzeko, Asiako zinemagintza aberatsa ezagutzeko, eta munduko ustezko periferia guztietan egiten diren filmetara kuriositatez, miresmenez eta errespetuz hurbiltzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Basurtun, PCR probak egiten ©Javier Zorrila / efe
Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Baztango haur eskola. ©Jagoba Manterola/FOKU

Nafarroako haur eskoletan «normaltasun berriarekin» ekingo diote ikasturteari

Olatz Esteban Ezkati

Lau egoera posible irudikatu ditu Nafarroako Gobernuak, eta COVID-19aren bilakaeraren arabera ezarriko da bat edo beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna