Noiz sortua: 2020-02-25 00:30:00

HILBERRIA. Katherine Johnson

Hesiak hautsi zituen NASAn

PAUL BUCK / EFE

Erredakzioa -

2020ko otsailak 25
Katherine Johnsonek (White Sulphur Springs, AEB, 1918) hainbat hesi hautsi zituen NASAn lan egin zuen bitartean: lehen ingeniari emakume eta beltzetako bat izan zen, eta, besteak beste, 1969an Apollo11-k Ilargira heltzeko egin beharreko ibilbidea kalkulatu zuen. Horrez gain, 1970ean Apollo13-a lurrera itzultzen lagundu zuen. Johnson atzo hil zen.

John Gleen astronautak honako hau adierazi zuen Johnsonen lanaz Ilargira joan aurretik: «Berak badio onak [kalkuluak] direla, prest nago joateko».

NASAn, konputagailu gisa ezagutzen zituzten hura eta haren lankideak, eta, hamarkada luzez itzalpeko lana egin zuten arren, aurreko hamarkadan ezagun egin ziren publikoarentzat, Hidden Figures filmari esker. Johnsonek esan izan zuen «okupatuegia» zegoela arrazismoaz kezkatzeko.

Trebea zen zenbakiekin, eta 15 urte zituela sartu zen West Virginia State Unibertsitatean, gerora unibertsitate horretan graduondoko lehen ikasle beltzetako bat izateraino; 1937an doktoretza eskuratu zuen Matematiketan.

Johnsonek esana zuen «oso harro» zegoela Ilargirako lehen misioan emandako laguntzaz —kalkuluez arduratu zen—. Finean, gizakia Ilargira iristeko lanetan ezinbesteko rola izan zuen.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta gaineratu duenez, ikerketak ez ditu “gizabanakoen mugimenduak atzemango”, baizik eta datu “anonimoak eta multzoka”.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk esan du «neurri zorrotzak» hartu dituztela; oposizioak, berriz, «gardentasun falta» salatu du

Irati Urdalleta Lete

Iñigo Urkullu lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna